Дастлабки гуруҳ ҳожиларимиз Ҳаж зиёратидан қайтишди

Рукн: Янгиликлар Чоп этилган: 21.10.2013
Дин ишлари бўйича қўмита ахборот хизматининг хабар беришича, 20 октябрь куни дастлабки гуруҳ ўзбекистонлик ҳожилар Ватанга қайтдилар. Жидда-Тошкент йўналиши бўйича Тошкент халқаро аэропортига етиб келган юртдошларимизнинг барчалари соғ-саломатдирлар. 
 
Аэропортда ҳожиларимиз учун махсус автобуслар тайёрлаб қўйилган бўлиб, уларни Тошкент шаҳридаги “Навза” масжидига олиб келиб қўйилмоқда. Бу ерда ҳожиларимиз учун зарур шарт-шароитлар: иссиқ чой, ширинликлар ҳозирланиб қўйилган. Бу ерда уларнинг фарзандлари ва яқинлари уларни кутиб олмоқдалар.
 
Ўзбекистонлик ҳожиларимизнинг Ватанга қайтишлари 20 октябрдан 1 ноябргача давом этади. Замонавий Боинг авиалайнерлари Жидда-Тошкент, Жидда-Самарқанд, Жидда-Наманган, Жидда-Қарши, Жидда-Урганч, Жидда-Бухоро ва Жидда-Термиз йўналишлари бўйича ҳожиларимизни қайтариб олиб келади.
 
* * *
 
Din ishlari bo‘yicha qo‘mita axborot xizmatining xabar berishicha, 20 oktyabr kuni dastlabki guruh o‘zbekistonlik hojilar Vatanga qaytdilar. Jidda-Toshkent yo‘nalishi bo‘yicha Toshkent xalqaro aeroportiga yetib kelgan yurtdoshlarimizning barchalari sog‘-salomatdirlar. 
 
Aeroportda hojilarimiz uchun maxsus avtobuslar tayyorlab qo‘yilgan bo‘lib, ularni Toshkent shahridagi “Navza” masjidiga olib kelib qo‘yilmoqda. Bu yerda hojilarimiz uchun zarur shart-sharoitlar: issiq choy, shirinliklar hozirlanib qo‘yilgan. Bu yerda ularning farzandlari va yaqinlari ularni kutib olmoqdalar.
 
O‘zbekistonlik hojilarimizning Vatanga qaytishlari 20 oktyabrdan 1 noyabrgacha davom etadi. Zamonaviy Boing avialaynerlari Jidda-Toshkent, Jidda-Samarqand, Jidda-Namangan, Jidda-Qarshi, Jidda-Urganch, Jidda-Buxoro va Jidda-Termiz yo‘nalishlari bo‘yicha hojilarimizni qaytarib olib keladi.