ХХIV қорилар мусобақаси ниҳоясига етди [ФОТО]

2013 йил 18 сентябр куни Тошкент шаҳрининг “Камолон” даҳасида жойлашган “Хўжа Аламбардор” жоме масжидида ХХIV Республика қорилар кўрик – танловининг якуний босқичи ўтказилди.

Мусобақада Ўзбекистон мусулмонлари идораси тасарруфидаги таълим муассасалари ҳамда Тошкент ислом университети талаба ва толибалари иштирок этди.

Мусобақани Ўзбекистон Мусулмонлари идораси раиси, муфтий Усмонхон Алимов очиб, қатнашчилар ҳақига дуо қилди. Мусобақа мураттаб ва мужаввид қори ва қориялар йўналишида бўлиб ўтди.

Мураттаб қорилар баҳсида биринчи ўринга Ҳайитбоев Муҳаммадали (“Саййид Муҳйиддин махдум”), иккинчи ўринга Акбаров Билолиддин  (“Фахриддин ар Розий”), учинчи ўрига эса Қурбонов Салоҳиддин (“Мулла Қирғиз”) лойиқ топилди.

Мужаввид қорилардан олий биринчи ўринни Боқиев Комилхон (Тошкент Ислом институти “Таҳфизул Қуръон” кафедраси), биринчи ўринни Эшонов Маҳмуджон (“Кўкалдош”), иккинчи ўринни Мирҳамидов Акмал (Тошкент Ислом институти), учинчи ўринни Мавлонов Аҳадбек (“Муҳаммад Беруний”) қўлга киритди.

Мураттаб қориялардан биринчи ўринга Мираҳмедова Мадинабону (“Хадичаи Кубро”), иккинчи ўринга Саидова Шаҳло (Тошкент Ислом институти), учинчи ўринга Исломова Сайёра (“Жўйбори Калон”) сазовор бўлди.

Мужаввид қориялардан биринчи ўрин Абдулаҳатова Муқаддамхонга (“Хадичаи кубро”), иккинчи ўрин Аҳатова Робияга (Тошкент Ислом институти), учинчи ўрин Очилова Озодага (“Жўйбори Калон”) насиб этди.

Мусобақа ғолибларига дипломлар ва эсдалик совғалари топширилди.

* * *

2013 yil 18 sentyabr kuni Toshkent shahrining “Kamolon” dahasida joylashgan “Xo‘ja Alambardor” jome masjidida XXIV Respublika qorilar ko‘rik – tanlovining yakuniy bosqichi o‘tkazildi.

Musobaqada O‘zbekiston musulmonlari idorasi tasarrufidagi ta’lim muassasalari hamda Toshkent islom universiteti talaba va tolibalari ishtirok etdi.

Musobaqani O‘zbekiston Musulmonlari idorasi raisi, muftiy Usmonxon Alimov ochib, qatnashchilar haqiga duo qildi. Musobaqa murattab va mujavvid qori va qoriyalar yo‘nalishida bo‘lib o‘tdi.

Murattab qorilar bahsida birinchi o‘ringa Hayitboyev Muhammadali (“Sayyid Muhyiddin maxdum”), ikkinchi o‘ringa Akbarov Biloliddin  (“Faxriddin ar Roziy”), uchinchi o‘riga esa Qurbonov Salohiddin (“Mulla Qirg‘iz”) loyiq topildi.

Mujavvid qorilardan oliy birinchi o‘rinni Boqiyev Komilxon (Toshkent Islom instituti “Tahfizul Qur’on” kafedrasi), birinchi o‘rinni Eshonov Mahmudjon (“Ko‘kaldosh”), ikkinchi o‘rinni Mirhamidov Akmal (Toshkent Islom instituti), uchinchi o‘rinni Mavlonov Ahadbek (“Muhammad Beruniy”) qo‘lga kiritdi.

Murattab qoriyalardan birinchi o‘ringa Mirahmedova Madinabonu (“Xadichai Kubro”), ikkinchi o‘ringa Saidova Shahlo (Toshkent Islom instituti), uchinchi o‘ringa Islomova Sayyora (“Jo‘ybori Kalon”) sazovor bo‘ldi.

Mujavvid qoriyalardan birinchi o‘rin Abdulahatova Muqaddamxonga (“Xadichai kubro”), ikkinchi o‘rin Ahatova Robiyaga (Toshkent Islom instituti), uchinchi o‘rin Ochilova Ozodaga (“Jo‘ybori Kalon”) nasib etdi.

Musobaqa g‘oliblariga diplomlar va esdalik sovg‘alari topshirildi.