«Ҳаж-2013» мавсумида зиёратчилар сони қисқаради

Рукн: Янгиликлар Чоп этилган: 05.09.2013

Саудия Арабистони Подшоҳлиги ҳукумати “Ҳаж” ва “Умра” мавсумларида мамлакатга келаётган зиёратчилар Ҳаж ва Умра амалларини мукаммал, ҳеч қандай қийинчиликларсиз адо этишлари учун қулайликлар яратиш мақсадида Макка ва Мадина шаҳарларидаги икки харам ҳудудини кенгайтириш ишлари бошлаганлиги ҳамда икки муқаддас шаҳарлар инфраструктурасини тубдан ўзгартириш ишлари кенг кўламда давом этаётганлиги сабабли “Ҳаж-2013” мавсумида зиёратчилари сонини қисқартириш бўйича дунёнинг барча давлатларига, хусусан, Ўзбекистон Республикасига ҳам расмий маълумот юборди, дея хабар беради Дин ишлари бўйича қўмита матбуот хизмати.

Ушбу қарорга мувофиқ Саудия Арабистони ҳукумати талаблари асосида Ҳажга борувчи Ўзбекистон зиёратчилар сони ҳам қисқаради. Қисқартириш масалалари Қорақалпоғистон Республикаси, Тошкент шаҳри ва вилоятлар “Ҳаж” ва “Умра” тадбирларини ташкил этиш ва ўтказиш масалалари бўйича ҳайъатлар томонидан адолат ва инсонийлик тамойилларидан келиб чиқиб амалга оширилмоқда. Келажакда зиёратга бориш имконияти бор фуқаролар кўпроқ ёши улуғ инсонларга жой бермоқдалар.

* * *

Saudiya Arabistoni Podshohligi hukumati “Haj” va “Umra” mavsumlarida mamlakatga kelayotgan ziyoratchilar Haj va Umra amallarini mukammal, hech qanday qiyinchiliklarsiz ado etishlari uchun qulayliklar yaratish maqsadida Makka va Madina shaharlaridagi ikki xaram hududini kengaytirish ishlari boshlaganligi hamda ikki muqaddas shaharlar infrastrukturasini tubdan o‘zgartirish ishlari keng ko‘lamda davom etayotganligi sababli “Haj-2013” mavsumida ziyoratchilari sonini qisqartirish bo‘yicha dunyoning barcha davlatlariga, xususan, O‘zbekiston Respublikasiga ham rasmiy ma’lumot yubordi, deya xabar beradi Din ishlari bo‘yicha qo‘mita matbuot xizmati.


Ushbu qarorga muvofiq Saudiya Arabistoni hukumati talablari asosida Hajga boruvchi O‘zbekiston ziyoratchilar soni ham qisqaradi. Qisqartirish masalalari Qoraqalpog‘iston Respublikasi, Toshkent shahri va viloyatlar “Haj” va “Umra” tadbirlarini tashkil etish va o‘tkazish masalalari bo‘yicha hay’atlar tomonidan adolat va insoniylik tamoyillaridan kelib chiqib amalga oshirilmoqda. Kelajakda ziyoratga borish imkoniyati bor fuqarolar ko‘proq yoshi ulug‘ insonlarga joy bermoqdalar.