Янги ўқув йилида 497 минг ўқувчи биринчи синфга қабул қилинди

Ўзбекистондаги барча таълим масканларида 2 сентябрь куни янги ўқув йили бошланди. Ҳарбийлашган таълим муассасаларининг биринчи курс курсантлари ҳарбий қасамёд қабул қилди.

Бу йил Ўзбекистондаги мактабларда 497 минг 244 нафар ўқувчи 1-синфга қабул қилинди. 2013-2014 ўқув йили учун режалаштирилган 394 номдаги 22 миллион 535 минг нусха дарслик тўлиқ нашр этилиб, тарқатилди.

2013-2014 ўқув йилидан бошлаб мамлакатимизнинг барча ҳудудида чет тилларни, хусусан, инглиз тилини ўрганиш умумтаълим мактабларининг биринчи синфидан ўйин тарзидаги дарслар ва оғзаки нутқ сабоқлари шаклида, иккинчи синфдан эса алифбо, ўқиш ва грамматикани ўзлаштиришдан босқичма-босқич бошланади.

Ўзбекистон Республикаси Вазирлар Маҳкамасининг 2013 йил 4 июлдаги фармойиши асосида 497 минг 244 нафар ўқувчи учун инглиз тили, 18 минг 757 нафари учун немис тили, 12 минг 971 нафари учун француз тили дарсликлари чоп этилди.

Ўзбекистондаги диний ўқув юртларида ҳам шу куни янги ўқув йили бошланди. Жумладан, Имом Бухорий номли Тошкент ислом институтида янги 2013-2014 ўқув йили бошланиши ҳамда Ўзбекистон Республикаси мустақиллигининг 22 йиллиги муносабати билан “Қадр-қиммати баланд юрт – мустақил Ўзбекистон!” шиори остида тадбир ўтказилди. Ўзбекистон мусулмонлоари идораси раиси, муфтий Усмонхон Алимов ташриф институт ўқитувчи ва ишчи ходимларини қутлади ҳамда биринчи босқичга қабул қилинган талабаларни муборакбод этди.

O‘zbekistondagi barcha ta’lim maskanlarida 2 sentabr kuni yangi o‘quv yili boshlandi. Harbiylashgan ta’lim muassasalarining birinchi kurs kursantlari harbiy qasamyod qabul qildi.

Bu yil O‘zbekistondagi maktablarda 497 ming 244 nafar o‘quvchi 1-sinfga qabul qilindi. 2013-2014 o‘quv yili uchun rejalashtirilgan 394 nomdagi 22 million 535 ming nusxa darslik to‘liq nashr etilib, tarqatildi.

2013-2014 o‘quv yilidan boshlab mamlakatimizning barcha hududida chet tillarni, xususan, ingliz tilini o‘rganish umumta’lim maktablarining birinchi sinfidan o‘yin tarzidagi darslar va og‘zaki nutq saboqlari shaklida, ikkinchi sinfdan esa alifbo, o‘qish va grammatikani o‘zlashtirishdan bosqichma-bosqich boshlanadi.

O‘zbekiston Respublikasi Vazirlar Mahkamasining 2013 yil 4 iyuldagi farmoyishi asosida 497 ming 244 nafar o‘quvchi uchun ingliz tili, 18 ming 757 nafari uchun nemis tili, 12 ming 971 nafari uchun fransuz tili darsliklari chop etildi.

O‘zbekistondagi diniy o‘quv yurtlarida ham shu kuni yangi o‘quv yili boshlandi. Jumladan, Imom Buxoriy nomli Toshkent islom institutida yangi 2013-2014 o‘quv yili boshlanishi hamda O‘zbekiston Respublikasi mustaqilligining 22 yilligi munosabati bilan “Qadr-qimmati baland yurt – mustaqil O‘zbekiston!” shiori ostida tadbir o‘tkazildi. O‘zbekiston musulmonloari idorasi raisi, muftiy Usmonxon Alimov tashrif institut o‘qituvchi va ishchi xodimlarini qutladi hamda birinchi bosqichga qabul qilingan talabalarni muborakbod etdi.

• Олдинги
• Кейинги