Тошкент Ислом институтига янги талабалар қабул қилинди

Ўзбекистон мусулмонлари идораси Таълим ва кадрлар тайёрлаш бўлими маълумотларига кўра, Имом ал-Бухорий номидаги Тошкент ислом институтига 2013–2014-ўқув йили учун 50 нафар талаба қабул қилинди.

Бу йил институтга 188 та абитуриент ҳужжат топширган. Дастлаб абитуриентлар маънавият ва маърифат ҳамда диний илмлардаги савияси, дунёқараши, чет тилларини билиш даражаси бўйича суҳбатдан ўтказилди.

27 июль куни “Маънавият ва маърифат асослари” ва “Чет тили (араб тили, инглиз тили ва немис тили)” фанларидан оғзаки ижодий имтиҳон бўлиб ўтди.

1 август куни бўлиб ўтган “Она тили ва адабиёти” ҳамда “Ўзбекистон тарихи” фанларидан тест имтиҳонларига 163 та абитуриентдан 161 таси иштирок этди.

3 август куни абитуриентларнинг кириш имтиҳонлардан тўплаган энг юқори балдан бошлаб белгиланган квота ўринлари аниқланди. Ўғил болалардан энг юқори балл тўплаган дастлабки 41 таси ва қизлардан энг юқори балл тўплаган 8 таси аниқланди

2013 йил ўрта махсус ислом билим юртлари битирувчи курслари орасида бўлиб ўтган “Ягона олимпиада-2013” якуний босқичи ғолиби - танлов натижаларига кўра “Мир Араб” ўрта махсус ислом билим юрти битирувчи курс талабаси Комилов Илҳомжон биринчи ўринни эгаллаб, Ўзбекистон мусулмонлари идораси гранти асосида ўқишга қабул қилинган эди.

Шунга кўра, қуйидаги ўғил болалардан 42 та ва қизлардан 8 та, жами 50 та абитуриент Тошкент ислом институтининг биринчи курс талабаси бўлиш бахтига муяссар бўлдилар.

* * *

O‘zbekiston musulmonlari idorasi Ta’lim va kadrlar tayyorlash bo‘limi ma’lumotlariga ko‘ra, Imom al-Buxoriy nomidagi Toshkent islom institutiga 2013–2014-o‘quv yili uchun 50 nafar talaba qabul qilindi.

Bu yil institutga 188 ta abituriyent hujjat topshirgan. Dastlab abituriyentlar ma’naviyat va ma’rifat hamda diniy ilmlardagi saviyasi, dunyoqarashi, chet tillarini bilish darajasi bo‘yicha suhbatdan o‘tkazildi.

27 iyul kuni “Ma’naviyat va ma’rifat asoslari” va “Chet tili (arab tili, ingliz tili va nemis tili)” fanlaridan og‘zaki ijodiy imtihon bo‘lib o‘tdi.

1 avgust kuni bo‘lib o‘tgan “Ona tili va adabiyoti” hamda “O‘zbekiston tarixi” fanlaridan test imtihonlariga 163 ta abituriyentdan 161 tasi ishtirok etdi.

3 avgust kuni abituriyentlarning kirish imtihonlardan to‘plagan eng yuqori baldan boshlab belgilangan kvota o‘rinlari aniqlandi. O‘g‘il bolalardan eng yuqori ball to‘plagan dastlabki 41 tasi va qizlardan eng yuqori ball to‘plagan 8 tasi aniqlandi

2013 yil o‘rta maxsus islom bilim yurtlari bitiruvchi kurslari orasida bo‘lib o‘tgan “Yagona olimpiada-2013” yakuniy bosqichi g‘olibi - tanlov natijalariga ko‘ra “Mir Arab” o‘rta maxsus islom bilim yurti bitiruvchi kurs talabasi Komilov Ilhomjon birinchi o‘rinni egallab, O‘zbekiston musulmonlari idorasi granti asosida o‘qishga qabul qilingan edi.

Shunga ko‘ra, quyidagi o‘g‘il bolalardan 42 ta va qizlardan 8 ta, jami 50 ta abituriyent Toshkent islom institutining birinchi kurs talabasi bo‘lish baxtiga muyassar bo‘ldilar.

• Олдинги
• Кейинги