Барзах ҳаёти нима дегани?

Рукн: Савол беринг Чоп этилган: 02.12.2015

Савол: Қиёмат ҳақидаги китобда “Барзах ҳаёти” деган атамага дуч келдим. Барзах ҳаёти нима дегани? (Комила)

Жавоб: “Барзах” сўзи луғатда икки нарсанинг орасидаги тўсиққа, янада аниқроқ қилинса, икки нарсанинг ораси маъносини беради. Оддий мисол келтирсак: икки давлат чегаралари орасидаги кичик ҳудудни «барзах» дейиш мумкин. Шариат истилоҳида эса «барзах» деб инсон вафот этгандан сўнг қиёматгача бўлган вақтини «барзах» ҳаёти дейилади. Умуман олганда қабр ҳаёти тушунилади. Қабрдаги ҳолатларни эса китоб ва рисолалардан, ҳадиси шарифлардан батафсил билиб олиш мумкин.

Инсон қабрга қўйилгандан сўнг икки фаришта – Мункар ва Накир кириб Аллоҳ ва унинг расулидан, инсоннинг динидан сўрашлари, кейин қабрдаги роҳат ёки азобнинг бўлиши ҳақдир. Аҳли сунна вал жамоа эътиқодидаги кишилар бунга шак-шубҳасиз иймон келтирадилар.  (Муфтий Усмонхон Алимов, “Сўраган эдингиз”)

* * *

Savol: Qiyomat haqidagi kitobda “Barzax hayoti” degan atamaga duch keldim. Barzax hayoti nima degani? (Komila)

Javob: “Barzax” so‘zi lug‘atda ikki narsaning orasidagi to‘siqqa, yanada aniqroq qilinsa, ikki narsaning orasi ma’nosini beradi. Oddiy misol keltirsak: ikki davlat chegaralari orasidagi kichik hududni «barzax» deyish mumkin. Shariat istilohida esa «barzax» deb inson vafot etgandan so‘ng qiyomatgacha bo‘lgan vaqtini «barzax» hayoti deyiladi. Umuman olganda qabr hayoti tushuniladi. Qabrdagi holatlarni esa kitob va risolalardan, hadisi shariflardan batafsil bilib olish mumkin.

Inson qabrga qo‘yilgandan so‘ng ikki farishta – Munkar va Nakir kirib Alloh va uning rasulidan, insonning dinidan so‘rashlari, keyin qabrdagi rohat yoki azobning bo‘lishi haqdir. Ahli sunna val jamoa e’tiqodidagi kishilar bunga shak-shubhasiz iymon keltiradilar.  (Muftiy Usmonxon Alimov, “So‘ragan edingiz”)