Беш ҳадис

Рукн: Ибрат Чоп этилган: 14.04.2015

Имом Аъзам ўғилларига шундай насиҳат қилдилар: “Ўғлим, мен беш юз минг ҳадис орасидан танлаб олган қуйидаги беш ҳадисга қатъий амал қил!

1. Амаллар ниятга кўрадир. Ҳар кимга ният қилгани берилади!

2. Кишининг кераксиз нарсаларни тарк этиши исломининг яхшилигидандир.

3. Ўзингизга раво кўрганингиз ва яхши кўрганингизни диндошингизга ҳам раво кўрмагунингизча (чин) мусулмон бўлолмайсиз!

4. Ҳалол маълум, ҳаром ҳам маълум. Аллоҳ гўзалдир ва гўзал нарсаларни қабул қилади.

5. Мусулмон ўзгаларга қўли ва тили билан зарар бермайдиган инсондир.

Сен Аллоҳнинг азобидан қўрқ ва раҳматига умид боғла! Хавф ва ражо ўртасида бўл. Бироқ умидинг хавфингдан ғолиб келсин. Аллоҳ ҳақида яхши гумонда бўл!

Ўғлим, салим қалб билан ўлишингни истайман.

Аллоҳ Ғафур ва Раҳимдир!”

“Ирфон” тақвимининг 2010 йил, 2-сонидан олинди.

* * *

Imom A’zam o‘g‘illariga shunday nasihat qildilar: “O‘g‘lim, men besh yuz ming hadis orasidan tanlab olgan quyidagi besh hadisga qat’iy amal qil!

1. Amallar niyatga ko‘radir. Har kimga niyat qilgani beriladi!

2. Kishining keraksiz narsalarni tark etishi islomining yaxshiligidandir.

3. O‘zingizga ravo ko‘rganingiz va yaxshi ko‘rganingizni dindoshingizga ham ravo ko‘rmaguningizcha (chin) musulmon bo‘lolmaysiz!

4. Halol ma’lum, harom ham ma’lum. Alloh go‘zaldir va go‘zal narsalarni qabul qiladi.

5. Musulmon o‘zgalarga qo‘li va tili bilan zarar bermaydigan insondir.

Sen Allohning azobidan qo‘rq va rahmatiga umid bog‘la! Xavf va rajo o‘rtasida bo‘l. Biroq umiding xavfingdan g‘olib kelsin. Alloh haqida yaxshi gumonda bo‘l!

O‘g‘lim, salim qalb bilan o‘lishingni istayman.

Alloh G‘afur va Rahimdir!”

“Irfon” taqvimining 2010 yil, 2-sonidan olindi.