Ҳақиқий ғалаба

Бу ажойиб воқеа Сиэтл Ногиронлар Олимпиадасида юз берган эди. Ўшанда жисмоний ва ақлий жиҳатдан ногирон тўққиз киши 100 метрга югуриш мусобақасида қатнашиш учун старт чизиғига йиғилдилар. Югуришга старт берилгач, барчалари шитоб билан қўзғалишди. Уларнинг ҳаммаси ғалаба иштиёқида ёнарди. Шу пайт кутилмаганда бир ёш қатнашчи қоқилиб кетиб, йиқилди ва йиғлашга тушди. Унинг йиғисини эшитиб, иштирокчиларнинг барчаси орқаларига қарашди. Кейин бирдан йўналишларини ўзгартириб, ортга – ўсмирнинг ёнига қайтдилар. Уни юпатиб, ўрнидан турғаздилар ва тўққиз киши бир-бирларининг қўлларидан тутганча марра томон биргаликда юра бошладилар. Стадиондаги томошабинлар ўринларидан туриб, уларни дақиқаларча олқишладилар.

Ўша ерда бўлганлар ҳозиргача бу ҳодисани айтиб юришади. Нега? Чунки ҳаётда муҳими ўзимизнинг ғалабамиз эмас. Асосийси секинлашиш ва йўлимизни ўзгартириш ҳисобига бўлса ҳам бошқаларнинг муваффақият қозониши учун ёрдам беришдир.

“Ирфон” тақвимининг 2009 йил, 4-сонидан олинди.

* * *

Bu ajoyib voqea Sietl Nogironlar Olimpiadasida yuz bergan edi. O‘shanda jismoniy va aqliy jihatdan nogiron to‘qqiz kishi 100 metrga yugurish musobaqasida qatnashish uchun start chizig‘iga yig‘ildilar. Yugurishga start berilgach, barchalari shitob bilan qo‘zg‘alishdi. Ularning hammasi g‘alaba ishtiyoqida yonardi. Shu payt kutilmaganda bir yosh qatnashchi qoqilib ketib, yiqildi va yig‘lashga tushdi. Uning yig‘isini eshitib, ishtirokchilarning barchasi orqalariga qarashdi. Keyin birdan yo‘nalishlarini o‘zgartirib, ortga – o‘smirning yoniga qaytdilar. Uni yupatib, o‘rnidan turg‘azdilar va to‘qqiz kishi bir-birlarining qo‘llaridan tutgancha marra tomon birgalikda yura boshladilar. Stadiondagi tomoshabinlar o‘rinlaridan turib, ularni daqiqalarcha olqishladilar.

O‘sha yerda bo‘lganlar hozirgacha bu hodisani aytib yurishadi. Nega? Chunki hayotda muhimi o‘zimizning g‘alabamiz emas. Asosiysi sekinlashish va yo‘limizni o‘zgartirish hisobiga bo‘lsa ham boshqalarning muvaffaqiyat qozonishi uchun yordam berishdir.

“Irfon” taqvimining 2009 yil, 4-sonidan olindi.

• Олдинги
• Кейинги