Муносиб жавоб

Обрўли компаниялардан бири бўш иш жойларига танлов эълон қилди. Ягона шарт – номзодлар компания раҳбарияти томонидан тақдим этилган биттагина саволга қониқарли жавоб беришлари керак.

“Тасаввур қилинг: Тун. Жала қуймоқда. Момақалдироқ гумбурлаб, шамол одамни учириб кетай дейди. Тонг отишига икки соатча қолган. Сиз икки кишилик машинани ёлғиз ҳайдаб кетяпсиз. Олдинроқдаги автобекатда 3 киши турибди.

Уларнинг бири – доктор. Яқиндагина оғир хасталигингизни даволаб, сизни ҳаётга қайтарган одам.

Иккинчиси – касалликдан инграётган чол.

Яна бири – ҳаётингиз мазмуни бўлган азиз инсон.

Савол: Об-ҳаво борган сари ёмонлашиб бормоқда. Машинангизда эса фақат БИР КИШИГА жой бор. Сиз вазиятдан қандай чиққан бўлардингиз?”

Азиз, ўқувчи! Ўйлаш учун сизнинг тўрт кун вақтингиз бор.

Жавоб: Шундай қилиб, ишга танловда қатнашган юзлаб номзодлардан фақат бир кишигина қабул қилинди. У саволга қуйидагича жавоб берган: “Машинадан тушиб, калитни докторга берардим. У менинг ҳаётимни сақлаб қолгани каби, қарияни касалхонага элтиб, унга ёрдам берарди. Мен эса, азиз инсонимнинг ёнида қолиб, қийин вазиятда у билан бирга бўлардим”.

Худбинлик одамзотнинг табиатига хос. Бир кишидан бошқа ҳамма номзодларнинг жавобида машина берилиши айтилмаганлигида ҳам хатолик йўқ. Фақат баъзида тор қарашларимиз таъсирида, ўзимизнигина ўйлаб, худбинлик билан қарор қабул қилишимизнинг намоёни бор.

“Ирфон” тақвимининг 2009 йил, 1-сонидан олинди.

* * *

Obro‘li kompaniyalardan biri bo‘sh ish joylariga tanlov e’lon qildi. Yagona shart – nomzodlar kompaniya rahbariyati tomonidan taqdim etilgan bittagina savolga qoniqarli javob berishlari kerak.

“Tasavvur qiling: Tun. Jala quymoqda. Momaqaldiroq gumburlab, shamol odamni uchirib ketay deydi. Tong otishiga ikki soatcha qolgan. Siz ikki kishilik mashinani yolg‘iz haydab ketyapsiz. Oldinroqdagi avtobekatda 3 kishi turibdi.

Ularning biri – doktor. Yaqindagina og‘ir xastaligingizni davolab, sizni hayotga qaytargan odam.

Ikkinchisi – kasallikdan ingrayotgan chol.

Yana biri – hayotingiz mazmuni bo‘lgan aziz inson.

Savol: Ob-havo borgan sari yomonlashib bormoqda. Mashinangizda esa faqat BIR KIShIGA joy bor. Siz vaziyatdan qanday chiqqan bo‘lardingiz?”

Aziz, o‘quvchi! O‘ylash uchun sizning to‘rt kun vaqtingiz bor.

Javob: Shunday qilib, ishga tanlovda qatnashgan yuzlab nomzodlardan faqat bir kishigina qabul qilindi. U savolga quyidagicha javob bergan: “Mashinadan tushib, kalitni doktorga berardim. U mening hayotimni saqlab qolgani kabi, qariyani kasalxonaga eltib, unga yordam berardi. Men esa, aziz insonimning yonida qolib, qiyin vaziyatda u bilan birga bo‘lardim”.

Xudbinlik odamzotning tabiatiga xos. Bir kishidan boshqa hamma nomzodlarning javobida mashina berilishi aytilmaganligida ham xatolik yo‘q. Faqat ba’zida tor qarashlarimiz ta’sirida, o‘zimiznigina o‘ylab, xudbinlik bilan qaror qabul qilishimizning namoyoni bor.

“Irfon” taqvimining 2009 yil, 1-sonidan olindi.

• Олдинги
• Кейинги