Покизалик ҳам ҳусн
Бир куни ҳазрати Умар (р.а.)нинг ҳузурларига бир аёл эри билан бошлашиб келди-да, эрини кўрсатиб:
– Эй амирал мўминин! Бу киши менинг эрим бўлади. Турмушимизга уч ой бўлди. Шу муддат давомида тотув яшаш учун кўп ҳаракатлар қилдим. Аммо эримда рағбат кўрмадим. Ўтган вақт мобайнида билдимки, биз бир-биримизни тушуна олмас эканмиз, шунинг учун ажрашамиз.
Ҳазрати Умар (р.а.) аёлнинг индамай турган эридан сўрадилар:
– Сен нима дейсан?
– Эй амирал мўминин! Менинг ҳеч қандай шикоятим йўқ, ажрашишни истамайман, – деди у.
Ҳазрати Умар (р.а.) эрнинг ранг-рўйи, кийим-бошига қараб аҳволни англаб етдилар ва аёлга дедилар:
– Сен ҳозир уйингга кетгин-да, бир оздан кейин кел. Унгача биз эринг билан суҳбатлашиб оламиз.
Хотин кетгач, ҳазрати Умар (р.а.) у одамни ҳаммомга олиб бориб, ювинтиришни, тоза кийимлар кийгизишни буюрдилар. Эркак покиза ҳолатга келтирилди. Бир оз вақт ўтгач, аёл келди-ю башанг кийим кийган, озода эрини кўриб мамнун бўлди. Ажрашиш ҳақидаги аҳдини ҳам унутиб, эрини бошлаб уйига кетди. Мўминларнинг халифаси ҳазрати Умар (р.а.) ҳозир бўлганларга қараб дедилар:
– Сизлар оилаларингизнинг (аёлларингизнинг) яхши ва покиза кийиниб, сизни кутиб олишларини севганингиз каби, улар ҳам сиз ва кийимларингизнинг озода бўлишидан завқ оладилар, сизларни ясанган ҳолда кўришни истайдилар.
“Ирфон” тақвимининг 2009 йил, 1-сонидан олинди.
* * *
Bir kuni hazrati Umar (r.a.)ning huzurlariga bir ayol eri bilan boshlashib keldi-da, erini ko‘rsatib:
– Ey amiral mo‘minin! Bu kishi mening erim bo‘ladi. Turmushimizga uch oy bo‘ldi. Shu muddat davomida totuv yashash uchun ko‘p harakatlar qildim. Ammo erimda rag‘bat ko‘rmadim. O‘tgan vaqt mobaynida bildimki, biz bir-birimizni tushuna olmas ekanmiz, shuning uchun ajrashamiz.
Hazrati Umar (r.a.) ayolning indamay turgan eridan so‘radilar:
– Sen nima deysan?
– Ey amiral mo‘minin! Mening hech qanday shikoyatim yo‘q, ajrashishni istamayman, – dedi u.
Hazrati Umar (r.a.) erning rang-ro‘yi, kiyim-boshiga qarab ahvolni anglab yetdilar va ayolga dedilar:
– Sen hozir uyingga ketgin-da, bir ozdan keyin kel. Ungacha biz ering bilan suhbatlashib olamiz.
Xotin ketgach, hazrati Umar (r.a.) u odamni hammomga olib borib, yuvintirishni, toza kiyimlar kiygizishni buyurdilar. Erkak pokiza holatga keltirildi. Bir oz vaqt o‘tgach, ayol keldi-yu bashang kiyim kiygan, ozoda erini ko‘rib mamnun bo‘ldi. Ajrashish haqidagi ahdini ham unutib, erini boshlab uyiga ketdi. Mo‘minlarning xalifasi hazrati Umar (r.a.) hozir bo‘lganlarga qarab dedilar:
– Sizlar oilalaringizning (ayollaringizning) yaxshi va pokiza kiyinib, sizni kutib olishlarini sevganingiz kabi, ular ham siz va kiyimlaringizning ozoda bo‘lishidan zavq oladilar, sizlarni yasangan holda ko‘rishni istaydilar.
“Irfon” taqvimining 2009 yil, 1-sonidan olindi.