Аллоҳ ризолиги учун

Ҳазрати Али (к.в.) жанг асносида душман жангчиларидан бирини ерга йиқитиб, ўлдирмоқчи бўлиб турганларида, йигит у зот (к.в.)нинг юзларига тупурди. Ҳазрати Али (к.в.) дарҳол душмандан қўлларини тортиб, қиличларини туширдилар ва:

– Сени ўлдиришдан воз кечдим, кетавер, озодсан, – дедилар.

Йигит бу ҳолдан шошиб қолди, ҳайрон бўлиб сўради:

– Имконинг бўла туриб мени нима учун ўлдирмадинг? Сени бундан нима қайтарди?

– То сен юзимга тупурмагунингча жанг қилишдан, сени ўлдиришдан мақсадим Аллоҳ ризолигини қозониш эди. Тупурганингдан кейин эса сенга нисбатан ғазабим келди. Энди сени ўлдирсам, бу ишни Аллоҳнинг ризоси учун эмас, ўз нафсим учун қилган бўлиб қолардим. Шунинг учун сени ўлдирмадим, – деб жавоб бердилар ҳазрати Али (к.в.).

Аллоҳнинг арслони аталмиш зот (к.в.)нинг мардлиги, асллиги қошида жаҳолат маҳв бўлди – йигит имон келтириб, мусулмонлар сафига қўшилди.

Зумрад Фозилжон қизи тайёрлади

“Ирфон” тақвимининг 2009 йил, 1-сонидан олинди.

* * *

Hazrati Ali (k.v.) jang asnosida dushman jangchilaridan birini yerga yiqitib, o‘ldirmoqchi bo‘lib turganlarida, yigit u zot (k.v.)ning yuzlariga tupurdi. Hazrati Ali (k.v.) darhol dushmandan qo‘llarini tortib, qilichlarini tushirdilar va:

– Seni o‘ldirishdan voz kechdim, ketaver, ozodsan, – dedilar.

Yigit bu holdan shoshib qoldi, hayron bo‘lib so‘radi:

– Imkoning bo‘la turib meni nima uchun o‘ldirmading? Seni bundan nima qaytardi?

– To sen yuzimga tupurmaguningcha jang qilishdan, seni o‘ldirishdan maqsadim Alloh rizoligini qozonish edi. Tupurganingdan keyin esa senga nisbatan g‘azabim keldi. Endi seni o‘ldirsam, bu ishni Allohning rizosi uchun emas, o‘z nafsim uchun qilgan bo‘lib qolardim. Shuning uchun seni o‘ldirmadim, – deb javob berdilar hazrati Ali (k.v.).

Allohning arsloni atalmish zot (k.v.)ning mardligi, aslligi qoshida jaholat mahv bo‘ldi – yigit imon keltirib, musulmonlar safiga qo‘shildi.

Zumrad Foziljon qizi tayyorladi

“Irfon” taqvimining 2009 yil, 1-sonidan olindi.

• Олдинги
• Кейинги