Эски чориғингни унутма

1900 йилнинг бошлари. Америкада яшайдиган қора танли икки дўст – Смит ва Жонга ҳам бошқа ирқдошлари каби тубан муомала ва ғайриинсоний муносабат раво кўриларди. Икки дўст бир куни Нью Йорк кўчаларида кетиб боришаркан, бир рекламага кўзлари тушиб қолади. Унда шундай ёзилганди: “Негрлар “оқартирилади”! Бор-йўғи 100 доллар эвазига!!!”

Смитнинг 101, Жоннинг 99 доллари бор эди. Жон Смитга: “Ортиқча бир долларингни менга бер, иккаламиз ҳам кириб “оқариб” чиқамиз”, дейди. Смит бу таклифни қабул қилмайди: “Йўқ! Аввал мен кириб чиқай, кейин сен кирасан!”

Бироздан кейин “оқариб” чиққан Смитни кўриб, Жоннинг ҳаваси ортиб кетади: “Ў-ў-ў, Смит! Роса оқарибсанми?! Қолган бир долларингни бер, мен ҳам кириб “оқариб” чиқай”. Лаҳзалик сукутдан кейин энди “ўзга” бир Смитнинг жавоби янгради: “Йўқол кўзимдан, ҳабаш!”

Қиссадан ҳисса эса... Ҳаммасини ҳикоянинг ўзи айтиб турибди, шундай эмасми?!

“Ирфон” тақвимининг 2009 йил, 2-сонидан олинди.

* * *

1900 yilning boshlari. Amerikada yashaydigan qora tanli ikki do‘st – Smit va Jonga ham boshqa irqdoshlari kabi tuban muomala va g‘ayriinsoniy munosabat ravo ko‘rilardi. Ikki do‘st bir kuni Nyu York ko‘chalarida ketib borisharkan, bir reklamaga ko‘zlari tushib qoladi. Unda shunday yozilgandi: “Negrlar “oqartiriladi”! Bor-yo‘g‘i 100 dollar evaziga!!!”

Smitning 101, Jonning 99 dollari bor edi. Jon Smitga: “Ortiqcha bir dollaringni menga ber, ikkalamiz ham kirib “oqarib” chiqamiz”, deydi. Smit bu taklifni qabul qilmaydi: “Yo‘q! Avval men kirib chiqay, keyin sen kirasan!”

Birozdan keyin “oqarib” chiqqan Smitni ko‘rib, Jonning havasi ortib ketadi: “O‘-o‘-o‘, Smit! Rosa oqaribsanmi?! Qolgan bir dollaringni ber, men ham kirib “oqarib” chiqay”. Lahzalik sukutdan keyin endi “o‘zga” bir Smitning javobi yangradi: “Yo‘qol ko‘zimdan, habash!”

Qissadan hissa esa... Hammasini hikoyaning o‘zi aytib turibdi, shunday emasmi?!

“Irfon” taqvimining 2009 yil, 2-sonidan olindi.

• Олдинги
• Кейинги