Таҳажжудга уйғотган ким эди?

Рукн: Ибрат Чоп этилган: 30.10.2015

Пайғамбаримиз с.а.в.нинг ваҳий котибларидан, буюк саҳоба Муовия р.а. таҳажжудни ҳеч канда қилмас эканлар. Бир куни ухлаб қолиб, таҳажжудни ўқий олмабдилар. Шу куни тинмай йиғлаб, Аллоҳга истиғфор айтибдилар. Ўша кеча уйқуда ётсалар, бир нотаниш киши келиб уйғотибди.

— Ҳазрат, туринг, таҳажжуд вақти бўлди.

— Сени танимадим, кимсан?

— Мен Иблисман.

— Ие, сен доим намоздан қолдирардинг. Нега энди уйғотиб, таҳажжудни ўқи, деяпсан?

— Сен бир марта таҳажжудни қолдириб, куни билан йиғлаб, Аллоҳга истиғфор айтганинг учун у зот сенга катта даражотларни ёзди, кўп марталаб таҳажжуд савобини берди. Мен учун бундан кўра, бир марта таҳажжуд ўқиб олганинг афзалроқ.

* * *

Payg‘ambarimiz s.a.v.ning vahiy kotiblaridan, buyuk sahoba Muoviya r.a. tahajjudni hech kanda qilmas ekanlar. Bir kuni uxlab qolib, tahajjudni o‘qiy olmabdilar. Shu kuni tinmay yig‘lab, Allohga istig‘for aytibdilar. O‘sha kecha uyquda yotsalar, bir notanish kishi kelib uyg‘otibdi.

— Hazrat, turing, tahajjud vaqti bo‘ldi.

— Seni tanimadim, kimsan?

— Men Iblisman.

— Ie, sen doim namozdan qoldirarding. Nega endi uyg‘otib, tahajjudni o‘qi, deyapsan?

— Sen bir marta tahajjudni qoldirib, kuni bilan yig‘lab, Allohga istig‘for aytganing uchun u zot senga katta darajotlarni yozdi, ko‘p martalab tahajjud savobini berdi. Men uchun bundan ko‘ra, bir marta tahajjud o‘qib olganing afzalroq.