Muxlis.uz жамоаси журналистларни қутлади

Рукн: Янгиликлар Чоп этилган: 15.06.2015

Шайх Зайниддин жомеъ масжиди ходимлари "Матбуот ва оммавий ахборот воситалари ходимлари куни" ҳамда Muxlis.uz сайтининг ташкил топганлигининг икки йиллиги муносабати билан ижодкорлар учун тадбир ташкил этдилар. Тадбирга матбуот, радио-телевидение ва интернет журналистлари таклиф этилди.

Шайхонтоҳур тумани бош имом хатиби ўринбосари Абдулҳамид Жуманов йиғилганларни кириб келаётган касб байрамлари ва Рамазони шариф билан қутларкан, халққа хизмат қилишнинг фазилатлари ва масъулиятлари ҳақида гапирди. “Диний соҳада қалам тебратаётган журналистлар ва бошқа ижодкорлар келтирилаётган далилларга алоҳида эътибор беришлари, бу ҳақда шу соҳанинг олимлари билан маслаҳат қилган ҳолда мақола ёзишса хурсанд бўлардик. Чунки динимизнинг соф эътиқодини оммага етказишда журналистларнинг ўрни беқиёс”, деди ноиб.

Тадбир сўнггида журналистларга Шайх Зайниддин жомеъ масжиди имом-хатиби Одилхон Исмоиловнинг эсдалик совғалари топширилди.

2015 йил – Кексаларни эъзозлаш йили ҳамда “Muxlis.uz” веб-сайтининг икки йиллиги муносабати билан “Эътиқод – қалб гавҳари” номли мақолалар кўрик-танловини эълон қилди. Танлов қатнашувчиларининг ёши чегараланмаган. Танловга “Ислом – бағрикенглик ва меҳр-мурувват дини”, “Миллий қадриятлар – бебаҳо бойлигимиз”, “Диний ақидапарастлик – инсоният душмани”, “Кексаларни эъзозлаш – инсоний бурчимиз”, "Истиқлол шукронаси" каби мавзулардаги мақолалар қабул қилинади.

* * *

Shayx Zayniddin jome’ masjidi xodimlari "Matbuot va ommaviy axborot vositalari xodimlari kuni" hamda Muxlis.uz saytining tashkil topganligining ikki yilligi munosabati bilan ijodkorlar uchun tadbir tashkil etdilar. Tadbirga matbuot, radio-televidenie va internet jurnalistlari taklif etildi.

Shayxontohur tumani bosh imom xatibi o‘rinbosari Abdulhamid Jumanov yig‘ilganlarni kirib kelayotgan kasb bayramlari va Ramazoni sharif bilan qutlarkan, xalqqa xizmat qilishning fazilatlari va mas’uliyatlari haqida gapirdi. “Diniy sohada qalam tebratayotgan jurnalistlar va boshqa ijodkorlar keltirilayotgan dalillarga alohida e’tibor berishlari, bu haqda shu sohaning olimlari bilan maslahat qilgan holda maqola yozishsa xursand bo‘lardik. Chunki dinimizning sof e’tiqodini ommaga yetkazishda jurnalistlarning o‘rni beqiyos”, dedi noib.

Tadbir so‘nggida jurnalistlarga Shayx Zayniddin jome’ masjidi imom-xatibi Odilxon Ismoilovning esdalik sovg‘alari topshirildi.

2015 yil – Keksalarni e’zozlash yili hamda “Muxlis.uz” veb-saytining ikki yilligi munosabati bilan “E’tiqod – qalb gavhari” nomli maqolalar ko‘rik-tanlovini e’lon qildi. Tanlov qatnashuvchilarining yoshi chegaralanmagan. Tanlovga “Islom – bag‘rikenglik va mehr-muruvvat dini”, “Milliy qadriyatlar – bebaho boyligimiz”, “Diniy aqidaparastlik – insoniyat dushmani”, “Keksalarni e’zozlash – insoniy burchimiz”, "Istiqlol shukronasi" kabi mavzulardagi maqolalar qabul qilinadi.