Тошкент шаҳридаги “Тўхтабой” жомеъ масжиди сайти ишга тушди

Рукн: Янгиликлар Чоп этилган: 03.06.2015

Тошкент шаҳри, Олмазор туманида жойлашган “Тўхтабой” жомеъ масжиди (Сақичмон) сайти www.ummat.uz номи билан ишга тушди.

Жомеъ масжиди имоми ва сайт ташкилотчиси Исҳоқ Муҳаммаднинг (Исоқжон домла Бегматов) видеомурожаатида айтилишича, тармоқни ташкил этишдан мақсад жамиятимизда яхшиликни тарқатиш, ёмонликдан қайтариш, Расулуллоҳ с.а.в.га муносиб уммат бўлишдир.

Сайтнинг Қуръон, Ҳадис, Ақида, Фиқҳ, Тасаввуф деб аталган асосий бўлимларида маърифий мақолалар бериб борилади. Шунингдек, видео ва аудио маърузалар ҳам мухлислар эътиборига ҳавола қилинган.

Исоқжон домла Бегматов 1970 йили Фарғона вилояти Бешариқ туманида туғилган. Имом ал-Бухорий номидаги Тошкент Ислом институтини тамомлаган (1990-1994). Имом ал-Бухорий халқаро марказида малака оширган. 1994-1997 йилларда Абулқосим мадрасасида, 1997-2002 йилларда Тошкент Ислом институтида мударрислик қилган. 2002 йилдан Тошкент шаҳри, Олмазор туманидаги «Тўхтабой» жомеъ масжидида имом-хатиб, 2011 йилдан  Тошкент Ислом институтида мударрис лавозимида меҳнат қилади. «Илм олиш одоблари» номли китоби нашр этилган.

* * *

Toshkent shahri, Olmazor tumaniida joylashgan “To‘xtaboy” jome’ masjidi (Saqichmon) sayti www.ummat.uz nomi bilan ishga tushdi.

Jome’ masjidi imomi va sayt tashkilotchisi Ishoq Muhammadning (Isoqjon domla Begmatov) videomurojaatida aytilishicha, tarmoqni tashkil etishdan maqsad jamiyatimizda yaxshilikni tarqatish, yomonlikdan qaytarish, Rasululloh s.a.v.ga munosib ummat bo‘lishdir.

Saytning Qur’on, Hadis, Aqida, Fiqh, Tasavvuf deb atalgan asosiy bo‘limlarida ma’rifiy maqolalar berib boriladi. Shuningdek, video va audio ma’ruzalar ham muxlislar e’tiboriga havola qilingan.

Isoqjon domla Begmatov 1970 yili Farg‘ona viloyati Beshariq tumanida tug‘ilgan. Imom al-Buxoriy nomidagi Toshkent Islom institutini tamomlagan (1990-1994). Imom al-Buxoriy xalqaro markazida malaka oshirgan. 1994-1997 yillarda Abulqosim madrasasida, 1997-2002 yillarda Toshkent Islom institutida mudarrislik qilgan. 2002 yildan Toshkent shahri, Olmazor tumanidagi «To‘xtaboy» jome’ masjidida imom-xatib, 2011 yildan  Toshkent Islom institutida mudarris lavozimida mehnat qiladi. «Ilm olish odoblari» nomli kitobi nashr etilgan.