"Хўжа Аламбардор" жомеъ масжидига янги имом тайинланди

Ўзбекистон Мусулмонлари идорасининг буйруғига кўра, Раҳимберди Раҳмонов "Хўжа Аламбардор" (Камолон) жомеъ масжиди имом хатиби этиб тайинланди. Бунгача ушбу масжидда ҳозирда “Минор” жомеъ масжиди имом-хатиби Раҳматуллоҳ Сайфуддинов имом-хатиб эди.

Раҳимберди Раҳмонов 1977 йили Тошкент вилояти Бўка туманида туғилган. “Мир Араб” мадрасасини (1994), Имом Бухорий номидаги Тошкент ислом институтини (1999) тамомлаган.

Тошкент шаҳар  Ҳамза тумани “Холид ибн Валид” жомеъ масжиди имом-хатиби (2000-2012), Ҳамза тумани бош имом-хатиби (2007-2012), “Кўкалдош” мадрасасида мударрис (2010), Юнусобод тумани бош имоми (2012), “Мирза Юсуф” жоме масжиди имом-хатиби (2012-2014) вазифаларида хизмат қилган.

Раҳимберди домла “Исломда фарзанд ҳуқуқлари” (2011) китоби муаллифи. 2012 йилда  унинг жума мавъизалари жамланган СD албоми чиқарилган.

* * *

O‘zbekiston Musulmonlari idorasining buyrug‘iga ko‘ra, Rahimberdi Rahmonov "Xo‘ja Alambardor" (Kamolon) jome’ masjidi imom xatibi etib tayinlandi. Bungacha ushbu masjidda hozirda “Minor” jome’ masjidi imom-xatibi Rahmatulloh Sayfuddinov imom-xatib edi.

Rahimberdi Rahmonov 1977 yili Toshkent viloyati Bo‘ka tumanida tug‘ilgan. “Mir Arab” madrasasini (1994), Imom Buxoriy nomidagi Toshkent islom institutini (1999) tamomlagan.

Toshkent shahar  Hamza tumani “Xolid ibn Valid” jome’ masjidi imom-xatibi (2000-2012), Hamza tumani bosh imom-xatibi (2007-2012), “Ko‘kaldosh” madrasasida mudarris (2010), Yunusobod tumani bosh imomi (2012), “Mirza Yusuf” jome masjidi imom-xatibi (2012-2014) vazifalarida xizmat qilgan.

Rahimberdi domla “Islomda farzand huquqlari” (2011) kitobi muallifi. 2012 yilda  uning juma mav’izalari jamlangan СD albomi chiqarilgan.

• Олдинги
• Кейинги