Нью-Йоркдаги ўзбеклар учун масжид очилади

АҚШда чоп этиладиган “Ватандош” газетасининг хабар беришича, Нью-Йорк шаҳрида ўзбекистонлик ватандошлар йиғилиб, “Бухорий” жамғармасига асос солдилар. Янги жамғарма қошида йиғилган маблағлардан миллий-маданий мазмундаги тадбирлар ва хайрли ишларни амалга оширишга келишиб олинди.

Шунингдек, Нью-Йоркнинг Бруклин шаҳарчасида ўзбекистонликлар учун масжид ва маданий марказ очилиши режалаштирилмоқда. Масжид ватандошлар учун турли тадбирларни ўтказувчи маданий марказ вазифасини ҳам ўтайди.

Масжидга ўзбекистонлик имом тайинланиб, жума намози маърузалари ўзбек тилида олиб борилади.

* * *

AQShda chop etiladigan “Vatandosh” gazetasining xabar berishicha, Nyu-York shahrida o‘zbekistonlik vatandoshlar yig‘ilib, “Buxoriy” jamg‘armasiga asos soldilar. Yangi jamg‘arma qoshida yig‘ilgan mablag‘lardan milliy-madaniy mazmundagi tadbirlar va xayrli ishlarni amalga oshirishga kelishib olindi.

Shuningdek, Nyu-Yorkning Bruklin shaharchasida o‘zbekistonliklar uchun masjid va madaniy markaz ochilishi rejalashtirilmoqda. Masjid vatandoshlar uchun turli tadbirlarni o‘tkazuvchi madaniy markaz vazifasini ham o‘taydi.

Masjidga o‘zbekistonlik imom tayinlanib, juma namozi ma’ruzalari o‘zbek tilida olib boriladi.

• Олдинги
• Кейинги