2013 йилда 5080 киши Ҳаж, 5657 киши Умра зиёратини адо этди
Дин ишлари бўйича қўмита Ахборот хизматининг 2013 йил якунлари ҳақида тақдим этган маълумотига кўра, ҳозирда резпубликамизда Ўзбекистон мусулмонлари идораси, Қорақалпоғистон мусулмонлари қозияти, Тошкент Ислом институти, 9 та мадраса, 2037 та масжид, 158 та христиан ташкилоти, 8 та яҳудий, 6 та баҳоий жамоаси, 1 та Кришна жамияти ва 1 та Будда ибодатхонаси фаолият юритмоқда.
"Обод турмуш йили" Давлат дастури доирасида имом-хатиблар, маҳалла раислари, диний маърифат ва маънавий-ахлоқий тарбия бўйича маслаҳатчилар учун "Обод турмуш йили", "Тўйларимиз ҳақида ўйларимиз", "Аёлни эъзозланг", "Пайғамбар хонадони", "Ҳалол касб - фаровон турмуш омили", "Бараканинг сири", "Ислом - озодалик дини" ва "Инсон бурчи" китоблари нашр қилинди.
Ўзбекистонлик 4879 нафар фуқаронинг Саудия Арабистонига Умра зиёратининг баҳорги (2 март - 29 апрель) ва 778 нафар фуқаронинг Рамазон мавсумидаги зиёратлари (22 июль - 10 август) ташкил этилди.
Ўзбекистонлик 5080 нафар фуқаронинг Саудия Арабистонига Ҳаж зиёратига (27 сентябрь - 31 октябрь) бориши ташкил этилди.
Жорий йил давомида Имом Бухорий халқаро марказида имом-хатибларнинг XXI, XXII, XXIII, XXIV ва XXV босқич ўқув машғулотлари ўтказилди.
* * *
Din ishlari bo‘yicha qo‘mita Axborot xizmatining 2013 yil yakunlari haqida taqdim etgan ma’lumotiga ko‘ra, hozirda rezpublikamizda O‘zbekiston musulmonlari idorasi, Qoraqalpog‘iston musulmonlari qoziyati, Toshkent Islom instituti, 9 ta madrasa, 2037 ta masjid, 158 ta xristian tashkiloti, 8 ta yahudiy, 6 ta bahoiy jamoasi, 1 ta Krishna jamiyati va 1 ta Budda ibodatxonasi faoliyat yuritmoqda.
"Obod turmush yili" Davlat dasturi doirasida imom-xatiblar, mahalla raislari, diniy ma’rifat va ma’naviy-axloqiy tarbiya bo‘yicha maslahatchilar uchun "Obod turmush yili", "To‘ylarimiz haqida o‘ylarimiz", "Ayolni e’zozlang", "Payg‘ambar xonadoni", "Halol kasb - farovon turmush omili", "Barakaning siri", "Islom - ozodalik dini" va "Inson burchi" kitoblari nashr qilindi.
O‘zbekistonlik 4879 nafar fuqaroning Saudiya Arabistoniga Umra ziyoratining bahorgi (2 mart - 29 aprel) va 778 nafar fuqaroning Ramazon mavsumidagi ziyoratlari (22 iyul - 10 avgust) tashkil etildi.
O‘zbekistonlik 5080 nafar fuqaroning Saudiya Arabistoniga Haj ziyoratiga (27 sentyabr - 31 oktyabr) borishi tashkil etildi.
Joriy yil davomida Imom Buxoriy xalqaro markazida imom-xatiblarning XXI, XXII, XXIII, XXIV va XXV bosqich o‘quv mashg‘ulotlari o‘tkazildi.