Диний-маърифий мавзуларни ОАВда ёритган ижодкорлар мукофотланди

Ўзбекистон Мусулмонлари идорасида 2013 йилда диний-маърифий мавзуларни оммавий ахборот воситаларида ёритишда фаоллик кўрсатган бир гуруҳ ижодкорлар тақдирландилар.
Тақдимот маросими Қуръони карим тиловати билан бошланди. Ўзбекистон мусулмонлари идораси раиси, муфтий Усмонхон Алимов ва Вазирлар Маҳкамаси ҳузуридаги Дин ишлари бўйича қўмита раиси Ортиқбек Юсупов кириш сўзларида жорий йилда диний-маърифий тарғибот юзасидан амалга оширилган ишлар ҳақида маълумот бердилар.
2013 йилда Нукусдаги Муҳаммад ал-Беруний номидаги Ислом ўрта-махсус билим юрти янги бинога кўчирилди. Хожа Бухорий мадрарасида янги ётоқхона қурилиши бошланди. Тошкент Ислом институтининг “Таҳфизул Қуръон” бўлимида спорт майдончаси ва таҳоратхона ишга туширилди. Жорий йилда мамлкатимизнинг турли ҳудудларида 27 та масжид янгидан қурилди,  124 та масжидда эса капитал таъмир ишлари олиб борилди. Диний идораси тизимида “Йил имоми”, “Йилнинг энг яхши кутубхоначиси”, “Республика қорилар мусобақаси” танловлари ўтказилди. “Ҳидоят сари” ҳамда “Зиё” студияси кўрсатувлари телевидениеда мунтазам намойиш этилди.
2013 йилда диний-маърифий мавзуларни оммавий ахборот воситаларида ёритишда фаол иштирок этган ижодкорлар ушбу йўналишлар бўйича тақдирланиб, мақтов ёрлиғи ва эсдалик совғалари билан мукофотланди:

“Энг яхши сценарий муаллифи”
Орзиқул Эргаш, Ўзбекистон телерадиоканали “Ҳидоят сари” кўрсатуви муҳаррири.
Севара Нурмуҳамедова, “Зиё” студияси муҳаррири.

“Энг яхши режиссёр”
Тўлқин Шамсиев, Ўзбекистон телерадиоканали “Ҳидоят сари” кўрсатуви режиссёри.
Азиз Жўраев, “Зиё” студияси режиссёри.
 
“Энг яхши видеомонтаж устаси”
Шоҳруҳ Ҳожибоев, - “Зиё” студияси видеомуҳандиси

“Энг яхши ривоят муаллифи”
Соли Қодиров,  Ўзбекистон телерадиоканали “Ҳидоят сари” кўрсатуви режиссёри.

“Энг фаол масъул”
Дурбек Раҳимжонов, Тошкент ислом университети кафедра мудири.
Муҳаммадбобур Йўлдошев, Дин ишлари бўйича қўмита бўлим бошлиғи.
Ҳайдархон Йўлдошхўжаев, Тошкент ислом институти ректори.

“Энг намунали имом”
Анвар қори Турсунов, Тошкент шаҳар бош имом-хатиби.
Исоқжон Бегматов, “Тўхтабой” жоме масжиди имом-хатиби.
Исломиддин Зуҳриддинов, “Олтин тепа” жоме масжиди имом-хатиби.

* * *

O‘zbekiston Musulmonlari idorasida 2013 yilda diniy-ma’rifiy mavzularni ommaviy axborot vositalarida yoritishda faollik ko‘rsatgan bir guruh ijodkorlar taqdirlandilar.
Taqdimot marosimi Qur’oni karim tilovati bilan boshlandi. O‘zbekiston musulmonlari idorasi raisi, muftiy Usmonxon Alimov va Vazirlar Mahkamasi huzuridagi Din ishlari bo‘yicha qo‘mita raisi Ortiqbek Yusupov kirish so‘zlarida joriy yilda diniy-ma’rifiy targ‘ibot yuzasidan amalga oshirilgan ishlar haqida ma’lumot berdilar.
2013 yilda Nukusdagi Muhammad al-Beruniy nomidagi Islom o‘rta-maxsus bilim yurti yangi binoga ko‘chirildi. Xoja Buxoriy madrarasida yangi yotoqxona qurilishi boshlandi. Toshkent Islom institutining “Tahfizul Qur’on” bo‘limida sport maydonchasi va tahoratxona ishga tushirildi. Joriy yilda mamlkatimizning turli hududlarida 27 ta masjid yangidan qurildi, 124 ta masjidda esa kapital ta’mir ishlari olib borildi. Diniy idorasi tizimida “Yil imomi”, “Yilning eng yaxshi kutubxonachisi”, “Respublika qorilar musobaqasi” tanlovlari o‘tkazildi. “Hidoyat sari” hamda “Ziyo” studiyasi ko‘rsatuvlari televideniyeda muntazam namoyish etildi.
2013 yilda diniy-ma’rifiy mavzularni ommaviy axborot vositalarida yoritishda faol ishtirok etgan ijodkorlar ushbu yo‘nalishlar bo‘yicha taqdirlanib, maqtov yorlig‘i va esdalik sovg‘alari bilan mukofotlandi:

“Eng yaxshi ssenariy muallifi”
Orziqul Ergash, O‘zbekiston teleradiokanali “Hidoyat sari” ko‘rsatuvi muharriri.
Sevara Nurmuhamedova, “Ziyo” studiyasi muharriri.

“Eng yaxshi rejissyor”
To‘lqin Shamsiyev, O‘zbekiston teleradiokanali “Hidoyat sari” ko‘rsatuvi rejissyori.
Aziz Jo‘rayev, “Ziyo” studiyasi rejissyori.

“Eng yaxshi videomontaj ustasi”
Shohruh Hojiboyev, - “Ziyo” studiyasi videomuhandisi

“Eng yaxshi rivoyat muallifi”
Soli Qodirov, O‘zbekiston teleradiokanali “Hidoyat sari” ko‘rsatuvi rejissyori.

“Eng faol mas’ul”
Durbek Rahimjonov, Toshkent islom universiteti kafedra mudiri.
Muhammadbobur Yo‘ldoshev, Din ishlari bo‘yicha qo‘mita bo‘lim boshlig‘i.
Haydarxon Yo‘ldoshxo‘jayev, Toshkent islom instituti rektori.

“Eng namunali imom”
Anvar qori Tursunov, Toshkent shahar bosh imom-xatibi.
Isoqjon Begmatov, “To‘xtaboy” jome masjidi imom-xatibi.
Islomiddin Zuhriddinov, “Oltin tepa” jome masjidi imom-xatibi.

• Олдинги
• Кейинги