Ўзбекистонлик талаба Украина қорилар танловида ғолиб бўлди

Қрим мусулмонлари идораси расмий сайтининг сайтининг хабар беришича, 2 ноябрь куни Симферополь шаҳридаги Очмасжидда ўтказилган  Бутунукраина Қуръони карим ҳофизлари танловида ўзбекистонлик 21 яшар талаба Сардорбек Сайфутдинов  «1 Жуз» («Амма» пораси) йўналишида ғалаба қозонди. Сардорбек ғалабаси учун планшет, Бутунукраина Қуръон ҳофизлари танлови фахрий ёрлиғи, Қуръони карим ва пул мукофоти билан тақдирланган.

 

Сардор Сайфутдинов асли фарғоналик. Ҳозирда Тарас Шевченко номидаги Луган миллий университетининг хорижий тиллар факультети талабаси бўлиб, у факультетда “араб, инглиз тиллари ва адабиёти” мутахассислиги бўйича таҳсил олади.

 

Луган миллий университети ахборот хизматининг хабар беришича, Сардорбек бу танлов ҳақида жомеъ масжидида хабар топган ва унинг илк қироатини ўша ерда эшитиб, танловга таклиф этишган. Талаба Қуръонни чиройли ҳифз ва оҳанг билан ўқигани учун эътиборга тушган.

 

Ўзбекистон ва Украина ўртасида 1997 йилдан бери икки давлат таълим тизими ҳужжатларини расман тан олиш бўйича битим амал қилади. Яъни, Ўзбекистонда олинган дипломлар Украинада тан олинади. Қолаверса, Украина ҳар йили Ўзбекистон талабалари учун 30 та стипендия жорий қилган.

Qrim musulmonlari idorasi rasmiy saytining saytining xabar berishicha, 2 noyabr kuni Simferopol shahridagi Ochmasjidda o‘tkazilgan Butunukraina Qur’oni karim hofizlari tanlovida o‘zbekistonlik 21 yashar talaba Sardorbek Sayfutdinov «1 Juz» («Amma» porasi) yo‘nalishida g‘alaba qozondi. Sardorbek g‘alabasi uchun planshet, Butunukraina Qur’on hofizlari tanlovi faxriy yorlig‘i, Qur’oni karim va pul mukofoti bilan taqdirlangan.

 

Sardor Sayfutdinov asli farg‘onalik. Hozirda Taras Shevchenko nomidagi Lugan milliy universitetining xorijiy tillar fakulteti talabasi bo‘lib, u fakultetda “arab, ingliz tillari va adabiyoti” mutaxassisligi bo‘yicha tahsil oladi.

 

Lugan milliy universiteti axborot xizmatining xabar berishicha, Sardorbek bu tanlov haqida jome’ masjidida xabar topgan va uning ilk qiroatini o‘sha yerda eshitib, tanlovga taklif etishgan. Talaba Qur’onni chiroyli hifz va ohang bilan o‘qigani uchun e’tiborga tushgan.

 

O‘zbekiston va Ukraina o‘rtasida 1997 yildan beri ikki davlat ta’lim tizimi hujjatlarini rasman tan olish bo‘yicha bitim amal qiladi. Ya’ni, O‘zbekistonda olingan diplomlar Ukrainada tan olinadi. Qolaversa, Ukraina har yili O‘zbekiston talabalari uchun 30 ta stipendiya joriy qilgan.