2013-2014 ўқув йили учун исломий ўрта махсус билим юртларига 204 талаба қабул қилинди

Рукн: Янгиликлар Чоп этилган: 20.07.2013

Дин ишлари бўйича қўмита ахборот хизмати хабарига кўра, 16 июль куни Республика бўйлаб Ўзбекистон мусулмонлари идораси тасарруфидаги барча ўрта махсус ислом билим юртларида 2013-2014 ўқув йили учун қабул имтиҳонлари бўлиб ўтди.

Жорий йилнинг 20 июнидан 10 июлига қадар ўрта махсус ислом билим юртларига 717 нафар абитуриент ҳужжат топширди.

16 июль куни ўрта махсус ислом билим юртларида она-тили фанидан ўтказилган диктант, маънавият, чет тили ва Ўзбекистон тарихи фанларидан ўтказилган тест синовлари натижаларига кўра, 204 нафар абитуриент (шундан 36 нафари аёл-қизлар) имтиҳонларидан муваффақиятли ўтди.
    
Ўзбекистон мусулмонлари идораси  томонидан белгиланган мезон асосида абитуриентларнинг умумий тўплаган баллари ҳисобланиб, мандат натижалари 17 июль куни эълон қилинди.

9-синфни битириб имтиҳонлардан  ўта олмаган абитуриентларнинг ҳужжатлари жойлардаги ташхис марказлари бўлимига топширилди.

Ўзбекистон мусулмонлари идораси тасарруфидаги таълим муассасаларида бўлиб ўтган 2013-2014 ўқув йили қабул имтиҳонларида Дин ишлари бўйича қўмита ва Ўзбекистон мусулмонлари идораси ходимлари кузатувчи сифатида иштирок этди.

* * *

Din ishlari bo‘yicha qo‘mita axborot xizmati xabariga ko‘ra, 16 iyul kuni Respublika bo‘ylab O‘zbekiston musulmonlari idorasi tasarrufidagi barcha o‘rta maxsus islom bilim yurtlarida 2013-2014 o‘quv yili uchun qabul imtihonlari bo‘lib o‘tdi.

Joriy yilning 20 iyunidan 10 iyuliga qadar o‘rta maxsus islom bilim yurtlariga 717 nafar abiturient hujjat topshirdi.

16 iyul kuni o‘rta maxsus islom bilim yurtlarida ona-tili fanidan o‘tkazilgan diktant, ma’naviyat, chet tili va O‘zbekiston tarixi fanlaridan o‘tkazilgan test sinovlari natijalariga ko‘ra, 204 nafar abiturient (shundan 36 nafari ayol-qizlar) imtihonlaridan muvaffaqiyatli o‘tdi.
    
O‘zbekiston musulmonlari idorasi  tomonidan belgilangan mezon asosida abiturientlarning umumiy to‘plagan ballari hisoblanib, mandat natijalari 17 iyul kuni e’lon qilindi.

9-sinfni bitirib imtihonlardan  o‘ta olmagan abiturientlarning hujjatlari joylardagi tashxis markazlari bo‘limiga topshirildi.

O‘zbekiston musulmonlari idorasi tasarrufidagi ta’lim muassasalarida bo‘lib o‘tgan 2013-2014 o‘quv yili qabul imtihonlarida Din ishlari bo‘yicha qo‘mita va O‘zbekiston musulmonlari idorasi xodimlari kuzatuvchi sifatida ishtirok etdi.