Кулги ва йиғи чeгараси
Ҳазрати Исо алайҳиссаломда кулиш ғолиб экан. У киши бир гапириб, бир табассум қилар эканлар. Ҳазрати Исонинг қариндошлари Яҳё алайҳиссалом эса кўп йиғларканлар. Бир куни Яҳё алайҳиссалом Исо алайҳиссаломдан сўрабдилар:
— Эй Исо, Аллоҳдан қўрқмайсизми? Мунча куласиз?
Исо алайҳиссалом:
— Аллоҳдан умидингиз йўқми? Нега йиғлайверасиз?
Иккалаларининг ўрталарида ҳукм қилиш учун Аллоҳ таоло бир фариштани юборибди. Фаришта шундай жавоб берган экан:
— Кўпчиликнинг орасида Исо алайҳиссаломнинг ҳолати яхши. Чунки одамларни маъюс, ноумид қилиб қўймаслик керак. Хилватда эса Яҳё алайҳиссаломнинг ҳолати яхши.
* * *
Hazrati Iso alayhissalomda kulish g‘olib ekan. U kishi bir gapirib, bir tabassum qilar ekanlar. Hazrati Isoning qarindoshlari Yahyo alayhissalom esa ko‘p yig‘larkanlar. Bir kuni Yahyo alayhissalom Iso alayhissalomdan so‘rabdilar:
— Ey Iso, Allohdan qo‘rqmaysizmi? Muncha kulasiz?
Iso alayhissalom:
— Allohdan umidingiz yo‘qmi? Nega yig‘layverasiz?
Ikkalalarining o‘rtalarida hukm qilish uchun Alloh taolo bir farishtani yuboribdi. Farishta shunday javob bergan ekan:
— Ko‘pchilikning orasida Iso alayhissalomning holati yaxshi. Chunki odamlarni ma’yus, noumid qilib qo‘ymaslik kerak. Xilvatda esa Yahyo alayhissalomning holati yaxshi.