Умид сўнмасин...

Рукн: Ибрат Чоп этилган: 26.08.2015

Жимжит хонада тўртта шам секин-секин гаплашишарди.

– Мен муросаман, – сўз бошлади биринчи шам. – Ҳаммага керакман, бироқ ҳеч ким менинг ёниб туришим учун ҳаракат қилмаяпти...

Шундай дея олови тезлик билан камайди, бир оздан кейин бутунлай сўнди.

– Мен ишончман, – деди иккинчиси. – Аммо кундан-кун кераксиз бўлиб бораётгандекман. Шундай бўлгач, ёниб туришимга зарурат йўқ.

Эсган енгил шабода иккинчи шамни ҳам ўчирди. Сўниш олдидан учинчи шамнинг сўзлари қуйидагича бўлди:

– Мен севгиман. Ёниб туришга кучим қолмади. Одамлар мени четга отишди, аҳамиятимни англаб етишмади. Ҳатто энг яқинларини ҳам севишни унутишди.

Шу пайт хонага бир бола кириб келди. Уч шамнинг ўчиб қолганини кўрди ва: «Нега сўниб қолдингиз, сиз доим ёниб туришингиз керак!» дея йиғлай бошлади. Унга жавобан тўртинчи шамнинг ёқимли овози эшитилди:

– Қўрқма, кўзёшларингни арт. Ўчмаган эканман, демак, бош­қа шамларни яна ёқа оламиз. Мен - умидман!

“Ирфон” тақвимининг 2012 йил 3-сонидан олинди.

* * *

Jimjit xonada to‘rtta sham sekin-sekin gaplashishardi.

– Men murosaman, – so‘z boshladi birinchi sham. – Hammaga kerakman, biroq hech kim mening yonib turishim uchun harakat qilmayapti...

Shunday deya olovi tezlik bilan kamaydi, bir ozdan keyin butunlay so‘ndi.

– Men ishonchman, – dedi ikkinchisi. – Ammo kundan-kun keraksiz bo‘lib borayotgandekman. Shunday bo‘lgach, yonib turishimga zarurat yo‘q.

Esgan yengil shaboda ikkinchi shamni ham o‘chirdi. So‘nish oldidan uchinchi shamning so‘zlari quyidagicha bo‘ldi:

– Men sevgiman. Yonib turishga kuchim qolmadi. Odamlar meni chetga otishdi, ahamiyatimni anglab yetishmadi. Hatto eng yaqinlarini ham sevishni unutishdi.

Shu payt xonaga bir bola kirib keldi. Uch shamning o‘chib qolganini ko‘rdi va: «Nega so‘nib qoldingiz, siz doim yonib turishingiz kerak!» deya yig‘lay boshladi. Unga javoban to‘rtinchi shamning yoqimli ovozi eshitildi:

– Qo‘rqma, ko‘zyoshlaringni art. O‘chmagan ekanman, demak, bosh­qa shamlarni yana yoqa olamiz. Men - umidman!

“Irfon” taqvimining 2012 yil 3-sonidan olindi.