Бир яхшиликка ўн яхшилик

Бир куни Фотима (розияллоҳу анҳо) бетоб бўлиб қолдилар. Кўнгиллари анор тусади. Бу ҳақда эрлари ҳазрат Алига (розияллоҳу анҳу) айтдилар. Ҳазрат Али (розияллоҳу анҳу) бозорга чиқиб, бир дона анор сотиб олдилар. Пуллари фақат биттагина анорга етар эди, холос.

Бозордан қайтаётганларида йўлда бир тиланчи учраб, қўлларидаги анорни сўраб қолди. Ҳазрат Али (розияллоҳу анҳу) анорни иккига бўлиб, ярмини ўша гадога бердилар. Тиланчи хурсанд бўлди. Уйга келиб, аёлларига анорнинг ярмини кимга берганларини айтдилар. Фотима (розияллоҳу анҳо):

– Аллоҳ сиздан рози бўлиб, ажр-мукофот берсин, – дедилар.

Орадан ҳеч фурсат ўтмаган ҳам эдики, эшик тақиллаб қолди. Ҳазрат Али (розияллоҳу анҳу) очиб қарасалар, эшик олдида Салмон Форсий (розияллоҳу анҳу) турибдилар. Қўлларидаги идишда ўн дона анор.

– Бу анорларни Расулуллоҳ (соллаллоҳу алайҳи ва саллам) бериб юбордилар, – дедилар Салмон Форсий.

* * *

Bir kuni Fotima (roziyallohu anho) betob bo‘lib qoldilar. Ko‘ngillari anor tusadi. Bu haqda erlari hazrat Aliga (roziyallohu anhu) aytdilar. Hazrat Ali (roziyallohu anhu) bozorga chiqib, bir dona anor sotib oldilar. Pullari faqat bittagina anorga yetar edi, xolos.

Bozordan qaytayotganlarida yo‘lda bir tilanchi uchrab, qo‘llaridagi anorni so‘rab qoldi. Hazrat Ali (roziyallohu anhu) anorni ikkiga bo‘lib, yarmini o‘sha gadoga berdilar. Tilanchi xursand bo‘ldi. Uyga kelib, ayollariga anorning yarmini kimga berganlarini aytdilar. Fotima (roziyallohu anho):

– Alloh sizdan rozi bo‘lib, ajr-mukofot bersin, – dedilar.

Oradan hech fursat o‘tmagan ham ediki, eshik taqillab qoldi. Hazrat Ali (roziyallohu anhu) ochib qarasalar, eshik oldida Salmon Forsiy (roziyallohu anhu) turibdilar. Qo‘llaridagi idishda o‘n dona anor.

– Bu anorlarni Rasululloh (sollallohu alayhi va sallam) berib yubordilar, – dedilar Salmon Forsiy.

• Олдинги
• Кейинги