Муҳаббат билан бирга

Рукн: Ибрат Чоп этилган: 10.12.2014


Бир аёл кечқурун уйига қайтганида, эшиги олдида уч меҳмон турганини кўрди ва улардан кимлигини сўради. Биринчиси: “Менинг исмим Бойлик”, иккинчиси: “Меники Бахт”, учинчиси: «Меники эса Муҳаббат”, деб ўзиларини таништиришди.
Аёл уйига таклиф этди, аммо улар киришни хоҳлашмади. Аёл ҳозиргина ишдан қайтган эрига воқеани айтди. Эри:
—     Уларни уйга таклиф қил, деди.
Аёл яна таклиф қилганида, улардан бири:
—     Ҳаммамиз бир пайтда кира олмаймиз. Сен учовимиздан биримизни таклиф қилишинг керак, деди.
Аёл бу гапни эрига етказди.
—     Унда Бойликни чақир, уйимиз ноёб, қиммат нарсаларга тўлсин, — деди эри.
Аёл эса Бахтни чақирайми деб турганида, келини:
—     Муҳаббатни таклиф қилайлик, уйимиз севги-муҳаббатга тўлсин, — деди.
Аёлга ҳам, эрига ҳам бу таклиф маъқул келди. Муҳаббатни ичкарига чорлашди. Муҳаббат уйга кираркан, Бойлик билан Бахт ҳам унинг ортидан эргашишди. Аёл:
—     Биз Муҳаббатни таклиф қилдик. Сизлар... — деди ҳайрон бўлиб. Бойлик шундай жавоб берди:
—     Агар мени ёки Бахтни таклиф қилганларингда, қолганлар кутган бўларди. Модомики Муҳаббатни истаган экансизлар, Бойлик ва Бахт ҳам у билан бирга бўлади.

* * *

Bir ayol kechqurun uyiga qaytganida, eshigi oldida uch mehmon turganini ko‘rdi va ulardan kimligini so‘radi. Birinchisi: “Mening ismim Boylik”, ikkinchisi: “Meniki Baxt”, uchinchisi: «Meniki esa Muhabbat”, deb o‘zilarini tanishtirishdi.
Ayol uyiga taklif etdi, ammo ular kirishni xohlashmadi. Ayol hozirgina ishdan qaytgan eriga voqeani aytdi. Eri:
—     Ularni uyga taklif qil, dedi.
Ayol yana taklif qilganida, ulardan biri:
—     Hammamiz bir paytda kira olmaymiz. Sen uchovimizdan birimizni taklif qilishing kerak, dedi.
Ayol bu gapni eriga yetkazdi.
—     Unda Boylikni chaqir, uyimiz noyob, qimmat narsalarga to‘lsin, — dedi eri.
Ayol esa Baxtni chaqiraymi deb turganida, kelini:
—     Muhabbatni taklif qilaylik, uyimiz sevgi-muhabbatga to‘lsin, — dedi.
Ayolga ham, eriga ham bu taklif ma’qul keldi. Muhabbatni ichkariga chorlashdi. Muhabbat uyga kirarkan, Boylik bilan Baxt ham uning ortidan ergashishdi. Ayol:
—     Biz Muhabbatni taklif qildik. Sizlar... — dedi hayron bo‘lib. Boylik shunday javob berdi:
—     Agar meni yoki Baxtni taklif qilganlaringda, qolganlar kutgan bo‘lardi. Modomiki Muhabbatni istagan ekansizlar, Boylik va Baxt ham u bilan birga bo‘ladi.