Саудия Арабистони қироли Абдуллоҳ вафот этди

Саудия Арабистони қироли, икки муқаддас масжид ходими Абдуллоҳ ибн Абдул-Азиз Ал Сауд 90 ёшида вафот этди. Араб манбаларига кўра, қирол шамоллаш натижасида яллиғланишдан оғриган ва шифохонада даволанаётган бўлган. 

Қирол  Абдуллоҳ 2005 йил августдан, акаси қирол Фаҳд вафотидан сўнг мамлакат қироли вазифасида бўлган. Навбатдаги қирол унинг укаси Салман бўлиши кутилаётган бўлиб, у ҳозирда 79 ёшда. Ака-укалфп 1932 йилда замонавий Саудия Арабистонига асос солган Абдул-Азиз ибн Сауднинг ўғиллари ҳисобланади.

Ўзининг сиёсий фаолияти давомида қирол Абдуллоҳ ибн Абдул-Азиз Ал Сауд ижтимоий, иқтисодий, маданий соҳаларда ислоҳотчи сифатида ном қозонди. Қиролдан 4 хотин, 7 нафар ўғил ва 15 нафар қиз фарзандлар қолди.

* * *

Saudiya Arabistoni qiroli, ikki muqaddas masjid xodimi Abdulloh ibn Abdul-Aziz Al Saud 90 yoshida vafot etdi. Arab manbalariga ko‘ra, qirol shamollash natijasida yallig‘lanishdan og‘rigan va shifoxonada davolanayotgan bo‘lgan. 

Qirol  Abdulloh 2005 yil avgustdan, akasi qirol Fahd vafotidan so‘ng mamlakat qiroli vazifasida bo‘lgan. Navbatdagi qirol uning ukasi Salman bo‘lishi kutilayotgan bo‘lib, u hozirda 79 yoshda. Aka-ukalfp 1932 yilda zamonaviy Saudiya Arabistoniga asos solgan Abdul-Aziz ibn Saudning o‘g‘illari hisoblanadi.

O‘zining siyosiy faoliyati davomida qirol Abdulloh ibn Abdul-Aziz Al Saud ijtimoiy, iqtisodiy, madaniy sohalarda islohotchi sifatida nom qozondi. Qiroldan 4 xotin, 7 nafar o‘g‘il va 15 nafar qiz farzandlar qoldi.

• Олдинги
• Кейинги