“Умра-2015” мавсумининг дастлабки зиёрати 2015 йилнинг 9 февралидан бошланади

Ўзбекистон мусулмонлари идорасининг халқаро алоқалар бўлими хабар беришича, Саудия Арабистони Подшоҳлигининг “ал-Ҳидоя” халқаро ширкати вакилларидан иборат делегация Идорага ташриф буюрди. Ташриф давомида “ал-Ҳидоя” халқаро ширкати мутасаддилари Дин ишлари бўйича қўмита ва Ўзбекистон мусулмонлари идораси раҳбарияти билан учрашув ўтказди. Йиғилишда 2015 йил Баҳор ва Рамазон мавсумларида Макка ва Мадина шаҳарларида ўзбекистонлик умра зиёратчиларига хизмат кўрсатиш бўйича шартнома имзоланди.

Унга кўра “Умра-2015” мавсумида ўзбекистонлик зиёратчиларнинг сони ва Саудия Арабистонида зиёратчиларга намунали хизмат кўрсатиш алоҳида белгилаб қўйилди. Шартномага мувофиқ, зиёратчиларимиз Мадина шаҳрида “Ажниҳа ат-Тоййиба” ва Макка шаҳрида “Нама Мавадда” меҳмонхоналарида истиқомат қиладилар.

“Умра-2015” Баҳор мавсумининг дастлабки зиёрати 2015 йилнинг 9 февралидан бошланиши таъкидланди.

* * *

O‘zbekiston musulmonlari idorasining xalqaro aloqalar bo‘limi xabar berishicha, Saudiya Arabistoni Podshohligining “al-Hidoya” xalqaro shirkati vakillaridan iborat delegatsiya Idoraga tashrif buyurdi. Tashrif davomida “al-Hidoya” xalqaro shirkati mutasaddilari Din ishlari bo‘yicha qo‘mita va O‘zbekiston musulmonlari idorasi rahbariyati bilan uchrashuv o‘tkazdi. Yig‘ilishda 2015 yil Bahor va Ramazon mavsumlarida Makka va Madina shaharlarida o‘zbekistonlik umra ziyoratchilariga xizmat ko‘rsatish bo‘yicha shartnoma imzolandi.

Unga ko‘ra “Umra-2015” mavsumida o‘zbekistonlik ziyoratchilarning soni va Saudiya Arabistonida ziyoratchilarga namunali xizmat ko‘rsatish alohida belgilab qo‘yildi. Shartnomaga muvofiq, ziyoratchilarimiz Madina shahrida “Ajniha at-Toyyiba” va Makka shahrida “Nama Mavadda” mehmonxonalarida istiqomat qiladilar.

“Umra-2015” Bahor mavsumining dastlabki ziyorati 2015 yilning 9 fevralidan boshlanishi ta’kidlandi.

• Олдинги
• Кейинги