Республика диний уламолари анжумани

Рукн: Янгиликлар Чоп этилган: 10.10.2012

4 октябр куни Тошкент ислом университетида Дин ишлари бўйича қўмита ва Ўзбекистон мусулмонлари идораси ҳамкорлигида “Тинчлик ва осойишталик – олий неъмат” мавзусида анжуман ўтказилди. Унда Республикамиздаги жоме масжидларнинг имом-хатиблари, Диний билим юртлари мударрислари, турли жамоат ташкилотлари вакиллари қатнашди.

Анжуманда баъзи араб мамлакатларида давом этаётган нотинчлик ва қуролли тўқнашувларнинг асл моҳиятлари таҳлил қилиниб, бунинг оқибатида тинч аҳоли азият чекаётгани таъкидланди. Муаммоларнинг ечими барча томонларнинг қуролли қарама-қаршиликлардан воз кечиб, зиддиятларни музокаралар йўли билан ҳал этишида экани қайд этилди.

Мамлакатимизнинг тинчлик ва осойишталигини мустаҳкамлаш, маънавий-маърифий ишларни замон талаблари асосида ташкил этиш, ёшларимизни турли мафкуравий хуружлардан ҳимоя қилиш, юртдошларимиз, айниқса, ёшларимизнинг ҳаётга онгли муносабатини шакллантириш, ён-атрофда юз бераётган воқеаларга теран қараш ҳиссини оширишда имом-хатиблар олдида турган муҳим вазифалар белгилаб олинди.

Анжуман иштирокчилари пойтахтимиздаги «Ҳазрати Имом мажмуаси» ва «Шаҳидлар хотираси» йодгорлик майдонини зиёрат қилдилар.

* * *

4-oktabr kuni Toshkent islom universitetida Din ishlari bo‘yicha qo‘mita va O‘zbekiston musulmonlari idorasi hamkorligida “Tinchlik va osoyishtalik – oliy ne’mat” mavzusida anjuman o‘tkazildi. Unda Respublikamizdagi jome masjidlarning imom-xatiblari, Diniy bilim yurtlari mudarrislari, turli jamoat tashkilotlari vakillari qatnashdi.

Anjumanda ba’zi arab mamlakatlarida davom etayotgan notinchlik va qurolli to‘qnashuvlarning asl mohiyatlari tahlil qilinib, buning oqibatida tinch aholi aziyat chekayotgani ta’kidlandi. Muammolarning yechimi barcha tomonlarning qurolli qarama-qarshiliklardan voz kechib, ziddiyatlarni muzokaralar yo‘li bilan hal etishida ekani qayd etildi.

Mamlakatimizning tinchlik va osoyishtaligini mustahkamlash, ma’naviy-ma’rifiy ishlarni zamon talablari asosida tashkil etish, yoshlarimizni turli mafkuraviy xurujlardan himoya qilish, yurtdoshlarimiz, ayniqsa, yoshlarimizning hayotga ongli munosabatini shakllantirish, yon-atrofda yuz berayotgan voqealarga teran qarash hissini oshirishda imom-xatiblar oldida turgan muhim vazifalar belgilab olindi.

Anjuman ishtirokchilari poytaxtimizdagi «Hazrati Imom majmuasi» va «Shahidlar xotirasi» yodgorlik maydonini ziyorat qildilar.