ХХIII Қорилар мусобақаси ўз якунига етди

Рукн: Янгиликлар Чоп этилган: 10.10.2012

19 сентябр куни пойтахтимизнинг Камолон маҳалласида жойлашган «Хўжа Аламбардор» жомеъ масжидида Ўзбекистон мусулмонлари идораси томонидан ҳар йили ананавий тарзда ўтказилиб келинаётган қорилар кўрик-танловининг якуний босқичи бўлиб ўтди. 23-бор ўтказилаётган мазкур мусобақада Ўзбекистон мусулмонлари идораси тасарруфидаги таълим муассасалари ва Тошкент ислом университетида таҳсил олаётган қори ва қориялар иштирок этдилар.

Мусобақа икки йўналишда, Қуръони каримни тўлиқ йод олган мураттаб қори ва қориялар ҳамда камида 10 порасини ёд олган мужаввид қори ва қориялар ўртасида бўлиб ўтди.

Мураттаб қорилар баҳсида биринчи ўрин Тошкент ислом институти “Таҳфизул-қуръон” кафедраси талабаси Жалилов Набиюддин ҳамда Андижондаги Саййид Муҳйиддин махдум ислом ўрта махсус билим юрти талабаси Абдуллаэв Фазлиддинларга насиб қилган бўлса, иккинчи ўринга “Кўкалдош” билим юрти талабаси Умарходжаэв Мурод лойиқ деб топилди ва фахрли учинчи ўринни Мулла қирғиз билим юрти талабаси Сўфиев Абдуҳаким эгаллади.

Мужаввид қорилар баҳсида Тошкент ислом институти талабаси Лойиқ Аминов ва “Кўкалдош” билим юрти талабаси Икром Каримовлар биринчи ўринга сазовор бўлишган бўлса, иккинчи ва учинчи ўринларни Қўзиев Валиюллоҳ (Муҳаммад ал-Беруний билим юрти) ва Тошкент ислом университети талабаси Хидиров Зарифлар эгаллашди.

Мураттаб қориялар ўртасидаги мусобақада “Жўйбори калон” билим юрти талабаси Маҳкамова Мадина биринчи, “Хадичаи Кубро” билим юрти талабаси Мираҳмадова Моҳинур иккинчи ҳамда ТИИ талабаси Мамадалиева Шоҳсанам учинчи ўринни эгалладилар.

Мужаввид қориялар беллашувида биринчи ўрин “Хадичаи Кубро” билим юрти талабаси Абдураимова Бибимухлисага, иккинчи ўрин “Жўйбори калон” билим юрти талабаси Нишонова Уммаҳога ва ниҳоят учинчи ўрин ТИИ талабаси Сулаймонова Маҳлиёга насиб этди.

* * *

19-sentabr kuni poytaxtimizning Kamolon mahallasida joylashgan «Xo‘ja Alambardor» jome’ masjidida O‘zbekiston musulmonlari idorasi tomonidan har yili ananaviy tarzda o‘tkazilib kelinayotgan qorilar ko‘rik-tanlovining yakuniy bosqichi bo‘lib o‘tdi. 23-bor o‘tkazilayotgan mazkur musobaqada O‘zbekiston musulmonlari idorasi tasarrufidagi ta’lim muassasalari va Toshkent islom universitetida tahsil olayotgan qori va qoriyalar ishtirok etdilar.

Musobaqa ikki yo‘nalishda, Qur’oni karimni to‘liq yod olgan murattab qori va qoriyalar hamda kamida 10 porasini yod olgan mujavvid qori va qoriyalar o‘rtasida bo‘lib o‘tdi.

Murattab qorilar bahsida birinchi o‘rin Toshkent islom instituti “Tahfizul-qur’on” kafedrasi talabasi Jalilov Nabiyuddin hamda Andijondagi Sayyid Muhyiddin maxdum islom o‘rta maxsus bilim yurti talabasi Abdullaev Fazliddinlarga nasib qilgan bo‘lsa, ikkinchi o‘ringa “Ko‘kaldosh” bilim yurti talabasi Umarxodjaev Murod loyiq deb topildi va faxrli uchinchi o‘rinni Mulla qirg‘iz bilim yurti talabasi So‘fiev Abduhakim egalladi.

Mujavvid qorilar bahsida Toshkent islom instituti talabasi Loyiq Aminov va “Ko‘kaldosh” bilim yurti talabasi Ikrom Karimovlar birinchi o‘ringa sazovor bo‘lishgan bo‘lsa, ikkinchi va uchinchi o‘rinlarni Qo‘ziev Valiyulloh (Muhammad al-Beruni bilim yurti) va Toshkent islom universiteti talabasi Xidirov Zariflar egallashdi.

Murattab qoriyalar o‘rtasidagi musobaqada “Jo‘ybori kalon” bilim yurti talabasi Mahkamova Madina birinchi, “Xadichai Kubro” bilim yurti talabasi Mirahmadova Mohinur ikkinchi hamda TII talabasi Mamadalieva Shohsanam uchinchi o‘rinni egalladilar.

Mujavvid qoriyalar bellashuvida birinchi o‘rin “Xadichai Kubro” bilim yurti talabasi Abduraimova Bibimuxlisaga, ikkinchi o‘rin “Jo‘ybori kalon” bilim yurti talabasi Nishonova Ummahoga va nihoyat uchinchi o‘rin TII talabasi Sulaymonova Mahliyoga nasib etdi.