Қурбон ҳайити 2011 йил 6 ноябр куни нишонланади

Рукн: Янгиликлар Чоп этилган: 02.11.2011

Ўзбекистон Республикаси Президентининг “Қурбон ҳайитини нишонлаш тўғрисида”ги Қарорига мувофиқ юртимизда 2011 йил 6 ноябр – Қурбон ҳайити байрами сифатида кенг нишонланади.

Муборак Қурбон ҳайитининг халқимиз маънавий ҳаётидаги ўрни ва аҳамияти эътиборидан, миллий-диний қадриятларимизни сақлаш ва улуғлаш, фуқароларнинг ҳамжиҳатлиги ва меҳр-оқибатини мустаҳкамлаш, ёш авлоднинг руҳий ва маънавий оламини бойитиш, уларнинг қалбида Ватанга муҳаббат ва садоқат туйғусини янада юксалтириш мақсадида ушбу байрам дам олиш куни сифатида белгиланиб, юқори даражада байрам қилиниши таъкидланди.

Республика “Нуроний”, “Маҳалла” жамғармалари, “Камолот” ёшлар ижтимоий ҳаракати ва бошқа барча мутасадди давлат ва жамоат ташкилотлари Қурбон ҳайитининг жойларда тартибли ва юқори даражада, халқимизнинг миллий қадриятларига мос равишда ўтиши учун тегишли тадбирларни амалга ошириши, Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига байрам тадбирларини кенг ёритиб бориши тавсия этилди.

Қурбон ҳайити ҳижрий ҳисоб билан Зулҳижжа ойининг 10-кунига тўғри келиб, мусулмонларнинг қурбонлик маросимлари билан уланиб кетади.

Мамлакатимизда Қурбон ҳайити расман 1991 йилдан байрам сифатида нишонланади.

* * *

O‘zbekiston Respublikasi Prezidentining “Qurbon hayitini nishonlash to‘g’risida”gi Qaroriga muvofiq yurtimizda 6-noyabr – Qurbon hayiti bayrami sifatida keng nishonlanadi.

Muborak Qurbon hayitining xalqimiz ma’naviy hayotidagi o‘rni va ahamiyati e’tiboridan, milliy-diniy qadriyatlarimizni saqlash va ulug‘lash, fuqarolarning hamjihatligi va mehr-oqibatini mustahkamlash, yosh avlodning ruhiy va ma’naviy olamini boyitish, ularning qalbida Vatanga muhabbat va sadoqat tuyg‘usini yanada yuksaltirish maqsadida ushbu bayram dam olish kuni sifatida belgilanib, yuqori darajada bayram qilinishi ta’kidlandi.

Respublika “Nuroniy”, “Mahalla” jamg‘armalari, “Kamolot” yoshlar ijtimoiy harakati va boshqa barcha mutasaddi davlat va jamoat tashkilotlari Qurbon hayitining joylarda tartibli va yuqori darajada, xalqimizning milliy qadriyatlariga mos ravishda o‘tishi uchun tegishli tadbirlarni amalga oshirishi, O‘zbekiston Milliy teleradiokompaniyasi, O‘zbekiston Milliy axborot agentligi va boshqa ommaviy axborot vositalariga bayram tadbirlarini keng yoritib borishi tavsiya etildi.

Qurbon hayiti hijriy hisob bilan Zulhijja oyining 10-kuniga to’g’ri kelib, musulmonlarning qurbonlik marosimlari bilan ulanib ketadi.

Mamlakatimizda Qurbon hayiti rasman 1991-yildan bayram sifatida nishonlanadi.