Шайх Муҳаммад Содиқ Муҳаммад Юсуфга бағишланган яна бир хотира китоб чоп этилди

Рукн: Янгиликлар Чоп этилган: 04.06.2016

Тошкент шаҳридаги «Ҳилолнашр» нашриёт уйида Шайх Муҳаммад Содиқ Муҳаммад Юсуф раҳимаҳуллоҳ хотирасига бағишланган, олимнинг укаси Муҳаммад Амин Муҳаммад Юсуф  қаламига мансуб «Исломга бағишланган умр» китоби ва Одинахон Муҳаммад Юсуфнинг «Муфассал тажвид» китоби тақдимоти бўлиб ўтди.

Тадбирда қатнашган Анвар қори Турсунов, ёзувчи Эркин Малик, Ҳасанхон ва Ҳусайнхон қорилар ушбу нашрлар ҳақида фикрларини билдирдилар.

Муҳаммад Амин Муҳаммад Юсуфнинг «Исломга бағишланган умр» китобида Шайх Муҳаммад Содиқ Муҳаммад Юсуф раҳимаҳуллоҳнинг ёшлик давридан сўнгги кунларигача ўтган ибратли умр йўли баён қилинган.

Аввалроқ «Шарқ» НМИУда Шайх ҳазратлари ҳақида ёзувчи Эркин Маликнинг «Шайх Муҳаммад Содиқ Муҳаммад Юсуф ҳазратлари» рисоласи чоп этилган эди. Ушбу китобда фазилатли Шайх Муҳаммад Содиқ Муҳаммад Юсуф ҳазратларининг ноширлик фаолиятлари, турли даврларда чоп етилган мақолалари, амру маъруфлари ҳақида ҳикоя қилинган.

Шунингдек, Қирғизистоннинг Ўш вилоятида ҳам Шайх Муҳаммад Содиқ Муҳаммад Юсуф раҳимаҳуллоҳга бағишланган “Ҳазрат” хотира китоби нашр этилган эди. Унда замондош олим ва мухлисларнинг Шайх ҳақидаги хотиралари жамланган.

* * *

Toshkent shahridagi «Hilolnashr» nashriyot uyida Shayx Muhammad Sodiq Muhammad Yusuf rahimahulloh xotirasiga bag‘ishlangan, olimning ukasi Muhammad Amin Muhammad Yusuf  qalamiga mansub «Islomga bag‘ishlangan umr» kitobi va Odinaxon Muhammad Yusufning «Mufassal tajvid» kitobi taqdimoti bo‘lib o‘tdi.

Tadbirda qatnashgan Anvar qori Tursunov, yozuvchi Erkin Malik, Hasanxon va Husaynxon qorilar ushbu nashrlar haqida fikrlarini bildirdilar.

Muhammad Amin Muhammad Yusufning «Islomga bag‘ishlangan umr» kitobida Shayx Muhammad Sodiq Muhammad Yusuf rahimahullohning yoshlik davridan so‘nggi kunlarigacha o‘tgan ibratli umr yo‘li bayon qilingan.

Avvalroq «Sharq» NMIUda Shayx hazratlari haqida yozuvchi Erkin Malikning «Shayx Muhammad Sodiq Muhammad Yusuf hazratlari» risolasi chop etilgan edi. Ushbu kitobda fazilatli Shayx Muhammad Sodiq Muhammad Yusuf hazratlarining noshirlik faoliyatlari, turli davrlarda chop yetilgan maqolalari, amru ma’ruflari haqida hikoya qilingan.

Shuningdek, Qirg‘izistonning O‘sh viloyatida ham Shayx Muhammad Sodiq Muhammad Yusuf rahimahullohga bag‘ishlangan “Hazrat” xotira kitobi nashr etilgan edi. Unda zamondosh olim va muxlislarning Shayx haqidagi xotiralari jamlangan.