Юртимиз масжидларида хатми Қуръонлар бошланди

5 июнь куни юртимиздаги барча масжидларда таровиҳ намозлари адо этилди. Бу йил Тошкент шаҳридаги 109 та масжидда 167 нафар мураттаб қорилар иштирокида хатми Қуръон тадбирлари ўтказилмоқда.

Тошкент шаҳрининг марказий масжидларидан “Минор” жомеъси хонақоҳ ва ҳовлилари таровеҳга йиғилган намозхонлар билан тўлди. Хатми Қуръонни табаррукан қорилар устози Абдулҳаким қори бошлаб бердилар. Сўнг Тошкент Ислом институти “Таҳфизул Қуръон” кафедраси устози Жаҳонгир қори, ТИИ битурувчилари Ҳасанхон қори ва Абдулбосит қори гўзал қироатлари билан таровеҳ намозини адо этишди. Хатм 27 кунлик бўлиши режалаштирилган.

“Хўжа Аламбардор” (Камолон) жомеъ масжидида Ҳусайнхон қори хатмга ўтмоқда. Хатм 27 кунлик бўлиши режалаштирилган.

“Ҳазрати Имом” жомеъ масжидида Исмоилжон қори ва Аҳмадхон қори хатми Қуръонни адо этадилар. Хатм 15 кунлик бўлиши режалаштирилган.

“Тўхтабой” жомеъ масжидида Алишер қори хатми Қуръонни адо этмоқда. Хатм 27 кунлик бўлиши режалаштирилган.

“Шайх Зайниддин” жомеъ масжидида икки Насруллоҳ қорилар хатми Қуръонни адо этадилар. Хатм 20 кунлик бўлиши режалаштирилган.

“Мирза Юсуф” жомеъ масжидида Ҳумоюн қори ва бу йилги қорилар мусобақаси 1-ўрин соҳиби Абдулбасир қори хатми Қуръонни адо этадилар. Хатм 27 кунлик бўлиши режалаштирилган.

* * *

5 iyun kuni yurtimizdagi barcha masjidlarda tarovih namozlari ado etildi. Bu yil Toshkent shahridagi 109 ta masjidda 167 nafar murattab qorilar ishtirokida xatmi Qur’on tadbirlari o‘tkazilmoqda.

Toshkent shahrining markaziy masjidlaridan “Minor” jome’si xonaqoh va hovlilari tarovehga yig‘ilgan namozxonlar bilan to‘ldi. Xatmi Qur’onni tabarrukan qorilar ustozi Abdulhakim qori boshlab berdilar. So‘ng Toshkent Islom instituti “Tahfizul Qur’on” kafedrasi ustozi Jahongir qori, TII bituruvchilari Hasanxon qori va Abdulbosit qori go‘zal qiroatlari bilan taroveh namozini ado etishdi. Xatm 27 kunlik bo‘lishi rejalashtirilgan.

“Xo‘ja Alambardor” (Kamolon) jome’ masjidida Husaynxon qori xatmga o‘tmoqda. Xatm 27 kunlik bo‘lishi rejalashtirilgan.

“Hazrati Imom” jome’ masjidida Ismoiljon qori va Ahmadxon qori xatmi Qur’onni ado etadilar. Xatm 15 kunlik bo‘lishi rejalashtirilgan.

“To‘xtaboy” jome’ masjidida Alisher qori xatmi Qur’onni ado etmoqda. Xatm 27 kunlik bo‘lishi rejalashtirilgan.

“Shayx Zayniddin” jome’ masjidida ikki Nasrulloh qorilar xatmi Qur’onni ado etadilar. Xatm 20 kunlik bo‘lishi rejalashtirilgan.

“Mirza Yusuf” jome’ masjidida Humoyun qori va bu yilgi qorilar musobaqasi 1-o‘rin sohibi Abdulbasir qori xatmi Qur’onni ado etadilar. Xatm 27 kunlik bo‘lishi rejalashtirilgan.

• Олдинги
• Кейинги