Энг ёмон дард нима?

Бир бадавий тоғдаги довонни кесиб ўтаётиб, кўзлари кўр ва бутун танаси песлашган қарияга дуч келди. Унинг хароб бўлиб бораётганлиги равшан эди. У ҳатто шол бўлиб, ўрнашган жойида қолишга доимий мажбур эди. Бадавий қариянинг "Махлуқотлари орасидан кўпларини касалликлар билан имтиҳон қилганда, мени омонда сақлаган ва кўплаб махлуқотларидан афзал қилган Аллоҳга ҳамдлар бўлсин" — деганини аниқ эшитди.
— Биродарим, — хитоб қилди бадавий, — Сиз нимадан омондасиз ўзи? Валлоҳи, кўряпманки, сизда йўқ дарднинг ўзи йўқ!
— Нари тур! — деди қария бошини кўтариб, — Нима, менда Аллоҳнинг тавҳидини талаффуз қила оладиган ҳамда Уни ҳар он зикр қиладиган тилим йўқми? Ёки Аллоҳни танишлик учун қалбим йўқми?
Қариянинг бу сўзлари бадавийга гуноҳларидан Аллоҳга тавба қилиши учун етарли эди.
Ҳамиша сиздан кўра кўпроқ муаммоси мавжуд яна кимдир борлигини ёдда тутинг!

Муслим Бухорий таржимаси

* * *

Bir badaviy tog‘dagi dovonni kesib o‘tayotib, ko‘zlari ko‘r va butun tanasi peslashgan qariyaga duch keldi. Uning xarob bo‘lib borayotganligi ravshan edi. U hatto shol bo‘lib, o‘rnashgan joyida qolishga doimiy majbur edi. Badaviy qariyaning "Maxluqotlari orasidan ko‘plarini kasalliklar bilan imtihon qilganda, meni omonda saqlagan va ko‘plab maxluqotlaridan afzal qilgan Allohga hamdlar bo‘lsin" — deganini aniq eshitdi.
— Birodarim, — xitob qildi badaviy, — Siz nimadan omondasiz o‘zi? Vallohi, ko‘ryapmanki, sizda yo‘q dardning o‘zi yo‘q!
— Nari tur! — dedi qariya boshini ko‘tarib, — Nima, menda Allohning tavhidini talaffuz qila oladigan hamda Uni har on zikr qiladigan tilim yo‘qmi? Yoki Allohni tanishlik uchun qalbim yo‘qmi?
Qariyaning bu so‘zlari badaviyga gunohlaridan Allohga tavba qilishi uchun yetarli edi.
Hamisha sizdan ko‘ra ko‘proq muammosi mavjud yana kimdir borligini yodda tuting!

Muslim Buxoriy tarjimasi

• Олдинги
• Кейинги