“Тўхтабой” жоме масжидида хатмона 13 июль куни бўлиб ўтади

Бугун Тошкент шаҳри, Олмазор туманида жойлашган “Тўхтабой” жоме масжидида (Сақичмон) Қуръони карим хатмонаси бўлиб ўтади. Бу ҳақда масжид имом-хатиби Исҳоқжон Муҳаммад (Исоқжон домла Бегматов) Facebook  саҳифасида хабар берди.

“Дуолар ижобат бўладиган кунларда, Аллоҳ таолонинг раҳмат ва барокатлари ёғиладиган хатмонанинг файзи футуҳларидан биргаликда баҳраманд бўлишликка барча азизларимизни таклиф қиламиз”, дейилади имомнинг мурожаатида.

“Тўхтабой” жоме масжиди Чорсу бозори орқа тарафида, Форобий кўчасида жойлашган.

Исҳоқжон Муҳаммад саҳифасида Рамазондаги кунлик таровиҳ суҳбатлари видеоси бериб борилмоқда. Рамазон аввалида тақдим этилган www.ummat.uz сайтида ҳам турли диний масалалар ёритилмоқда.

Эслатиб ўтамиз, бугун “Минор” жоме масжидида ҳам илк марта Қуръони карим хатм қилинади. Хуфтон намози 9:30 да бошланади.

* * *

Bugun Toshkent shahri, Olmazor tumanida joylashgan “To‘xtaboy” jome masjidida (Saqichmon) Qur’oni karim xatmonasi bo‘lib o‘tadi. Bu haqda masjid imom-xatibi Ishoqjon Muhammad (Isoqjon domla Begmatov) Facebook  sahifasida xabar berdi.

“Duolar ijobat bo‘ladigan kunlarda, Alloh taoloning rahmat va barokatlari yog‘iladigan xatmonaning fayzi futuhlaridan birgalikda bahramand bo‘lishlikka barcha azizlarimizni taklif qilamiz”, deyiladi imomning murojaatida.

“To‘xtaboy” jome masjidi Chorsu bozori orqa tarafida, Forobiy ko‘chasida joylashgan.

Ishoqjon Muhammad sahifasida Ramazondagi kunlik tarovih suhbatlari videosi berib borilmoqda. Ramazon avvalida taqdim etilgan www.ummat.uz saytida ham turli diniy masalalar yoritilmoqda.

Eslatib o‘tamiz, bugun “Minor” jome masjidida ham ilk marta Qur’oni karim xatm qilinadi. Xufton namozi 9:30 da boshlanadi.

• Олдинги
• Кейинги