Саудиялик ўзбеклар ифторликда йиғилишди

Саудия Арабистонида яшаётган ўзбеклар Жидда шаҳрида ифторлик дастурхонида йиғилишди. Маҳаллий матбуотнинг ёзишича Жидда шаҳридаги Бухорий маҳалласида 35 йилдан бери мана шундай ифторликлар ташкил этилади.

Саудия Арабистонилик ўзбеклардан Абдураҳим Назарбекнинг айтишича, бунақа тадбирлар яна кўп марта ўтказилиши режалаштирилган.

Тасдиқланмаган турли маълумотларга кўра, Саудия Арабистонида 300 000 дан 1 000 000 гача ўзбеклар истиқомат қилишади (уларни туркистонлилар, бухорийлар деб ҳам аташади). Улар асосан Макка, Мадина, Жидда ва Тоиф шаҳарларида ерлашишган.

Россия босқини, қатағонлар сабаб ўзбеклар Саудия Арабистонига ўтган асрнинг бошларидан кўчиб кела бошлашган. Афғонистонга рус қўшинлар кириши оқибатида ҳам кўплаб ўзбек оилалари Саудия Арабистонидан бошпана топишган.

Саудия Арабистонилик ўзбеклар орасидан вазирлар, генераллар ва олимлар етишиб чиққан.

Абдураҳим Назарбек ўзбек тилида гаплашадиган кам сонли саудияликлардан биридир. Унинг айтишича, ёш ўзбекларнинг 40 фоизи ўзбекчани билишади.

* * *

Saudiya Arabistonida yashayotgan o‘zbeklar Jidda shahrida iftorlik dasturxonida yig‘ilishdi. Mahalliy matbuotning yozishicha Jidda shahridagi Buxoriy mahallasida 35 yildan beri mana shunday iftorliklar tashkil etiladi.

Saudiya Arabistonilik o‘zbeklardan Abdurahim Nazarbekning aytishicha, bunaqa tadbirlar yana ko‘p marta o‘tkazilishi rejalashtirilgan.

Tasdiqlanmagan turli ma’lumotlarga ko‘ra, Saudiya Arabistonida 300 000 dan 1 000 000 gacha o‘zbeklar istiqomat qilishadi (ularni turkistonlilar, buxoriylar deb ham atashadi). Ular asosan Makka, Madina, Jidda va Toif shaharlarida yerlashishgan.

Rossiya bosqini, qatag‘onlar sabab o‘zbeklar o‘tgan asrning boshlaridan Saudiya Arabistoniga hijrat qilla boshlashgan. Afg‘onistonga rus qo‘shinlar kirishi oqibatida ham ko‘plab o‘zbek oilalari Saudiya Arabistonidan boshpana topishgan.

Saudiya Arabistonilik o‘zbeklar orasidan vazirlar, generallar va olimlar yetishib chiqqan.

Abdurahim Nazarbek o‘zbek tilida gaplashadigan kam sonli saudiyaliklardan biridir. Uning aytishicha, yosh o‘zbeklarning 40 foizi o‘zbekchani bilishadi.

• Олдинги
• Кейинги