Шайх Муҳаммад Содиқ раҳимаҳуллоҳнинг Рамазонга бағишланган китоби чоп этилди

«Ҳилол-нашр» нашриёт-матбааси ҳамда Ислом.уз портали ходимлари иштирокида шайх Муҳаммад Содиқ Муҳаммад Юсуф ҳазратларининг қаламига мансуб янги китобларнинг тақдимот маросим бўлиб ўтди, дея хабар беради инфо.Ислом.уз.

Ношир, шайх Муҳаммад Содиқ Муҳаммад Юсуф ҳазратларининг ўғли Исмоил Муҳаммад Юсуф кириб келаётган Рамазони шариф муносабати билан барчани муборакбод этди, сўнгра Ислом.уз порталида ҳамда «Ҳилол-нашр» нашриёт-матбаасининг моҳи Рамазонга бағишлаб режалаштирилган ишлари тўғрисида, хусусан, бугун «Мўминнинг қалқони» деб номланган муфассал рўза китоби ҳамда «Бахтиёр оила» китобининг янги нашри тақдим қилинаётгани ҳақида гапирди.

Тақдимот маросимига ташриф буюрган «Тўхтабой» жомеъ масжиди имом-хатиби Исҳоқжон Бегматов ҳамда «Минор» жомеъ масжиди имом-хатиби Раҳматуллоҳ Сайфуддиновлар ҳам сўзга чиқиб, устозимизнинг эл-юртимизга, халқимизга ва бутун дунё мусулмонларига кўрсатган фидойиликлари, буюк хизматлари ҳақида тўлқинланиб сўзладилар.

Ўзбекистон халқ ёзувчиси Тоҳир Малик шайх ҳазратларининг илмий мероси, у зот асос солган илм-маърифат боғининг мева бераётгани, ҳали бу илм сарчашмаси халқимизга узоқ йиллар манфаат келтириши ҳақида сўзлади.

* * *

«Hilol-nashr» nashriyot-matbaasi hamda Islom.uz portali xodimlari ishtirokida shayx Muhammad Sodiq Muhammad Yusuf hazratlarining qalamiga mansub yangi kitoblarning taqdimot marosim bo‘lib o‘tdi, deya xabar beradi info.Islom.uz.

Noshir, shayx Muhammad Sodiq Muhammad Yusuf hazratlarining o‘g‘li Ismoil Muhammad Yusuf kirib kelayotgan Ramazoni sharif munosabati bilan barchani muborakbod etdi, so‘ngra Islom.uz portalida hamda «Hilol-nashr» nashriyot-matbaasining mohi Ramazonga bag‘ishlab rejalashtirilgan ishlari to‘g‘risida, xususan, bugun «Mo‘minning qalqoni» deb nomlangan mufassal ro‘za kitobi hamda «Baxtiyor oila» kitobining yangi nashri taqdim qilinayotgani haqida gapirdi.

Taqdimot marosimiga tashrif buyurgan «To‘xtaboy» jome’ masjidi imom-xatibi Ishoqjon Begmatov hamda «Minor» jome’ masjidi imom-xatibi Rahmatulloh Sayfuddinovlar ham so‘zga chiqib, ustozimizning el-yurtimizga, xalqimizga va butun dunyo musulmonlariga ko‘rsatgan fidoyiliklari, buyuk xizmatlari haqida to‘lqinlanib so‘zladilar.

O‘zbekiston xalq yozuvchisi Tohir Malik shayx hazratlarining ilmiy merosi, u zot asos solgan ilm-ma’rifat bog‘ining meva berayotgani, hali bu ilm sarchashmasi xalqimizga uzoq yillar manfaat keltirishi haqida so‘zladi.

• Олдинги
• Кейинги