Islom.uz сайти хакерлар ҳужумига учради

Шайх Муҳаммад Содиқ Муҳаммад Юсуф ҳазратлари вафот этганлари ҳақидаги хабар тарқатилганидан 3 соат ўтмасдан у зотнинг www.islom.uz сайти хакерлар ҳужумига учради. Сайтда ҳужум Anonymous хакерлар уюшмаси томонидан амалга оширилгани тўғрисида ёзув ва Франциянинг “Шарли Ҳебдо” журнали чоп этган Пайғамбаримиз Муҳаммад с.а.в.ни ҳажв этган карикатура жойланган. Ушбу саҳифадаги расм манзили Польшадан эканлиги маълум.

www.uz 10 март куни www.islom.uz сайтига 21000 дан ортиқ киши ташриф буюрган. www.islom.uz портали ўзбек тилидаги энг катта диний-маърифий сайт ҳисобланади.

Порталнинг http://hadis.islom.uz, http://tib.islom.uz, http://media.islom.uz, http://forum.islom.uz сайтлари ҳам бузилган, бошқа сайтлари ишламоқда.

* * *

Shayx Muhammad Sodiq Muhammad Yusuf hazratlari vafot etganlari haqidagi xabar tarqatilganidan 3 soat o‘tmasdan u zotning www.islom.uz sayti xakerlar hujumiga uchradi. Saytda hujum Anonymous xakerlar uyushmasi tomonidan amalga oshirilgani to‘g‘risida yozuv va Frantsiyaning “Sharli Hebdo” jurnali chop etgan Payg‘ambarimiz Muhammad s.a.v.ni hajv etgan karikatura joylangan. Ushbu sahifadagi rasm manzili Polshadan ekanligi ma’lum.

www.uz 10 mart kuni www.islom.uz saytiga 21000 dan ortiq kishi tashrif buyurgan. www.islom.uz portali o‘zbek tilidagi eng katta diniy-ma’rifiy sayt hisoblanadi. Portalning boshqa saytlari ishlamoqda.

Portalning http://hadis.islom.uz, http://tib.islom.uz, http://media.islom.uz, http://forum.islom.uz saytlari ham buzilgan, boshqa saytlari ishlamoqda.

• Олдинги
• Кейинги