Муҳаммад - Буюк Британиядаги энг машҳур исм

BabyCentre портали эълон қилган сўров натижаларига кўра, ўғил болалар орасида Муҳаммад, қиз болалар орасида София исми 2014 йилда Британияда янги туғилган болалар учун танланган энг машҳур исмга айланган.

2013 йилда ўтказилган сўровлар ҳам Муҳаммад Британияда энг кўп қўйилаётган ўғил бола исми эканини кўрсатган эди.

Ўтган йили саккиз мингдан ортиқ чақалоқ Муҳаммад исмини олган.

Ўтказилган тадқиқотларга қараганда, ҳозирги кунда Муҳаммад исмини олган инсонлар сони қарийб 200 миллионга етган.

Оммавий сўров ўтказган мутахассислар охирги йилларда мусулмон бўлмаган оилаларда ҳам араб исмларининг нуфузи ошиб бораётганини қайд этганлар.

Шунингдек, Умар, Али, Иброҳим исмлари ҳам энг машҳур 100 исмлар қаторида.

Шунингдек, Муҳаммад исми Норвегияда ҳам Ян исмини ортда қолдириб, биринчи ўринга чиқиб олгани хабар берилган.

* * *

BabyCentre portali e’lon qilgan so‘rov natijalariga ko‘ra, o‘g‘il bolalar orasida Muhammad, qiz bolalar orasida Sofiya ismi 2014 yilda Britaniyada yangi tug‘ilgan bolalar uchun tanlangan eng mashhur ismga aylangan.

2013 yilda o‘tkazilgan so‘rovlar ham Muhammad Britaniyada eng ko‘p qo‘yilayotgan o‘g‘il bola ismi ekanini ko‘rsatgan edi.

O‘tgan yili sakkiz mingdan ortiq chaqaloq Muhammad ismini olgan.

O‘tkazilgan tadqiqotlarga qaraganda, hozirgi kunda Muhammad ismini olgan insonlar soni qariyb 200 millionga yetgan.

Ommaviy so‘rov o‘tkazgan mutaxassislar oxirgi yillarda musulmon bo‘lmagan oilalarda ham arab ismlarining nufuzi oshib borayotganini qayd etganlar.

Shuningdek, Umar, Ali, Ibrohim ismlari ham eng mashhur 100 ismlar qatorida.

Shuningdek, Muhammad ismi Norvegiyada ham Yan ismini ortda qoldirib, birinchi o‘ringa chiqib olgani xabar berilgan.

• Олдинги
• Кейинги