Ўзбекистонлик зиёратчиларнинг дастлабки гуруҳи Ҳажга жўнаб кетдилар

15 сентябрь куни ЎМИ раиси, муфтий Усмонхон Алимов ҳазратлари раҳбарлигида Ўзбекистон ҳаж делегацияси, ишчи гуруҳи аъзолари, шифокорлар, ошпазлар ва зиёратчилардан иборат жами 500 дан зиёд зиёратчилар Муборак Ҳаж ибодатини адо этиш ниятида икки рейсда Саудия Арабистони Подшоҳлигига жўнаб кетдилар, деб хабар беради ЎМИ Халқаро алоқалар бўлими.

Бу йил ҳаж зиёратига олиб бориш учун рейслар зиёратчиларга қулай бўлиши учун жорий йилнинг 15-26 сентябрь кунлари, Ватанга қайтиш эса 9 - 20 октябрь кунлари “Ўзбекистон ҳаво йўллари” миллий авиакомпаниясининг “БОИНГ” русумли ҳаво кемаларида Тошкент, Андижон, Фарғона, Термиз, Бухоро, Урганч, Қарши ва Самарқанд шаҳарларидаги аэропортлар орқали амалга ошириш режалаштириб қўйилди.

Зиёратчиларимиз Мадинаи мунавварада “Масжид ан-Набавий” дан унча узоқ бўлмаган “Жулнар ат-Тоййиба” меҳмонхонасига  ва Маккаи мукаррама шаҳрида эса тўрт бинодан иборат ҳашаматли “Аброж Маса ал-Муҳаммадия” меҳмонхонасига жойлашадилар. Улар 3 маҳал миллий таомлар, иссиқ чой ва яхна ичимликлар билан таъминланади.

Ҳаж арконлари ва ҳожиларимиз шароитини ёритиб бериш учун ишчи гуруҳ таркибидаги Тошкент ислом университети “Зиё” студияси вакиллари томонидан интервью ва репортажлар олиниб,  “Ўзбекистон” телеканали орқали намойиш этилиши режалаштирилган.

* * *

15 sentyabr kuni O‘MI raisi, muftiy Usmonxon Alimov hazratlari rahbarligida O‘zbekiston haj delegatsiyasi, ishchi guruhi a’zolari, shifokorlar, oshpazlar va ziyoratchilardan iborat jami 500 dan ziyod ziyoratchilar Muborak Haj ibodatini ado etish niyatida ikki reysda Saudiya Arabistoni Podshohligiga jo‘nab ketdilar, deb xabar beradi O‘MI Xalqaro aloqalar bo‘limi.

Bu yil haj ziyoratiga olib borish uchun reyslar ziyoratchilarga qulay bo‘lishi uchun joriy yilning 15-26 sentyabr kunlari, Vatanga qaytish esa 9 - 20 oktyabr kunlari “O‘zbekiston havo yo‘llari” milliy aviakompaniyasining “BOING” rusumli havo kemalarida Toshkent, Andijon, Farg‘ona, Termiz, Buxoro, Urganch, Qarshi va Samarqand shaharlaridagi aeroportlar orqali amalga oshirish rejalashtirib qo‘yildi.

Ziyoratchilarimiz Madinai munavvarada “Masjid an-Nabaviy” dan uncha uzoq bo‘lmagan “Julnar at-Toyyiba” mehmonxonasiga  va Makkai mukarrama shahrida esa to‘rt binodan iborat hashamatli “Abroj Masa al-Muhammadiya” mehmonxonasiga joylashadilar. Ular 3 mahal milliy taomlar, issiq choy va yaxna ichimliklar bilan ta’minlanadi.

Haj arkonlari va hojilarimiz sharoitini yoritib berish uchun ishchi guruh tarkibidagi Toshkent islom universiteti “Ziyo” studiyasi vakillari tomonidan intervyu va reportajlar olinib,  “O‘zbekiston” telekanali orqali namoyish etilishi rejalashtirilgan.

• Олдинги
• Кейинги