15 октябр - Қурбон ҳайити куни

Ўзбекистон Республикаси Президентининг Қарорига кўра, муборак Қурбон ҳайитининг халқимиз маънавий ҳаётидаги ўрни ва аҳамиятини эътиборга олиб, миллий-диний қадриятларимизни сақлаш ва улуғлаш мақсадида ҳамда Ўзбекистон Республикаси Президентининг “Диний байрам – Қурбон ҳайитини дам олиш куни деб эълон қилиш ҳақида”ги 1991 йил 20 июндаги ПФ-221-сон Фармонига мувофиқ Ўзбекистон мусулмонлари идорасининг жорий йилда Қурбон ҳайитининг биринчи куни 15 октябрь сешанба кунига тўғри келиши ҳақидаги мурожаатини инобатга олиб, 2013 йил 15 октябрь дам олиш куни деб белгиланди.

 

Қарорга кўра, Республика “Нуроний”, “Маҳалла” жамғармалари ва бошқа барча мутасадди идора, жамоат ташкилотлари Қурбон ҳайитининг жойларда тартибли ва юқори даражада, халқимизнинг миллий қадриятларига мос равишда ўтиши учун тегишли тадбирларни амалга ошириши, Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Қурбон ҳайитини нишонлаш билан боғлиқ тадбирларни кенг ёритиш тавсия этилди.

 

Саудия Арабистони Олий маҳкамаси 5 октябрь куни мелодий 2013 йилнинг 6 октябрь куни ҳижрий 1434 йилнинг Зулҳижжа ойининг биринчи кунига тўғри келишини эълон қилган эди. Ҳожиларнинг Арафот водийсида туришлари 14 октябрга, Қурбон ҳайитининг биринчи куни  эса 15 октябрга тўғри келади. 

 

* * *

 

O‘zbekiston Respublikasi Prezidentining Qaroriga ko‘ra, muborak Qurbon hayitining xalqimiz ma’naviy hayotidagi o‘rni va ahamiyatini e’tiborga olib, milliy-diniy qadriyatlarimizni saqlash va ulug‘lash maqsadida hamda O‘zbekiston Respublikasi Prezidentining “Diniy bayram – Qurbon hayitini dam olish kuni deb e’lon qilish haqida”gi 1991 yil 20 iyundagi PF-221-son Farmoniga muvofiq O‘zbekiston musulmonlari idorasining joriy yilda Qurbon hayitining birinchi kuni 15 oktyabr seshanba kuniga to‘g‘ri kelishi haqidagi murojaatini inobatga olib, 2013 yil 15 oktyabr dam olish kuni deb belgilandi.

 

Qarorga ko‘ra, Respublika “Nuroniy”, “Mahalla” jamg‘armalari va boshqa barcha mutasaddi idora, jamoat tashkilotlari Qurbon hayitining joylarda tartibli va yuqori darajada, xalqimizning milliy qadriyatlariga mos ravishda o‘tishi uchun tegishli tadbirlarni amalga oshirishi, O‘zbekiston Milliy teleradiokompaniyasi, O‘zbekiston Milliy axborot agentligi va boshqa ommaviy axborot vositalariga Qurbon hayitini nishonlash bilan bog‘liq tadbirlarni keng yoritish tavsiya etildi.

 

Saudiya Arabistoni Oliy mahkamasi 5 oktyabr kuni melodiy 2013 yilning 6 oktyabr kuni hijriy 1434 yilning Zulhijja oyining birinchi kuniga to‘g‘ri kelishini e’lon qilgan edi. Hojilarning Arafot vodiysida turishlari 14 oktyabrga, Qurbon hayitining birinchi kuni esa 15 oktyabrga to‘g‘ri keladi.