Ўзбекистонда Рамазон 10 июлга тўғри келди

Ўзбекистон мусулмонлари идораси матбуот хизматининг хабар беришича, Рамазон ойининг биринчи куни  2013 йилнинг 10 июль кунига тўғри келмоқда.

Пайғамбаримиз саллоллоҳу алайҳи васаллам ўз ҳадиси шарифларида: "Ойни кўриб (рўза) тутинглар ва ойни кўриб (рўзани) очинглар", деганлар. Бунинг учун рамазондан олдинги шаъбон ойининг йигирма тўққизинчи куни Қуёшга ботиш пайтида қаралади, янги Ой бироз кўринади. Ким кўрса, гувоҳлик беради ва эртасидан рўза тутиш бошланади. Агар у куни кўрилмаса, шаъбон ойини ўттиз кун ҳисоблаб, кейинги кунидан рўза тутиш бошланади. Бугун шаъбон ойининг 29-кунидир.

Курайб (р.а): “Умми Фазл бинти Ҳорис мени Шомга юборди. Мен у ерда Рамазон киргани учун жума куни ойни кўрдим, ва рўза ичида Мадинага келдим. Ибн Аббос менга: - Қачон ой кўрдинг? – деди. Мен: Жума куни, дедим. У киши: Биз шанба кўрдик, ўттиз кун қилиб кейин очамиз. Расулуллоҳ (с.а.в) бизга шундай буюрганлар: «Ҳар ўлка ойни ўзи кўради», деганлар.

Саудия Арабистони, Бирлашган Араб амирликлари, Малайзия, Миср каби давлатларда ҳам Рамазоннинг 10 июлдан бошланиши расмий маълум қилинди. http://www.makkahcalendar.org сайтининг маълум қилишича, аксарият давлатларда, жумладан Ҳиндистон, Малайзия, Покистон, Эронда ҳам Рамазоннинг 10 июлдан бошланиши эҳтимоли бор.

* * *

O‘zbekiston musulmonlari idorasi matbuot xizmatining xabar berishicha, Ramazon oyining birinchi kuni 2013 yilning 10 iyul kuniga to‘g‘ri kelmoqda.

Payg‘ambarimiz sallollohu alayhi vasallam o‘z hadisi shariflarida: "Oyni ko‘rib (ro‘za) tutinglar va oyni ko‘rib (ro‘zani) ochinglar", deganlar. Buning uchun ramazondan oldingi sha’bon oyining yigirma to‘qqizinchi kuni Quyoshga botish paytida qaraladi, yangi Oy biroz ko‘rinadi. Kim ko‘rsa, guvohlik beradi va ertasidan ro‘za tutish boshlanadi. Agar u kuni ko‘rilmasa, sha’bon oyini o‘ttiz kun hisoblab, keyingi kunidan ro‘za tutish boshlanadi. Bugun sha’bon oyining 29-kunidir.

Kurayb (r.a): “Ummi Fazl binti Horis meni Shomga yubordi. Men u yerda Ramazon kirgani uchun juma kuni oyni ko‘rdim, va ro‘za ichida Madinaga keldim. Ibn Abbos menga: - Qachon oy ko‘rding? – dedi. Men: Juma kuni, dedim. U kishi: Biz shanba ko‘rdik, o‘ttiz kun qilib keyin ochamiz. Rasululloh (s.a.v) bizga shunday buyurganlar: «Har o‘lka oyni o‘zi ko‘radi», deganlar.

Saudiya Arabistoni, Birlashgan Arab amirliklari, Malayziya, Misr kabi davlatlarda ham Ramazonning 10 iyuldan boshlanishi rasmiy ma’lum qilindi. http://www.makkahcalendar.org saytining ma’lum qilishicha, aksariyat davlatlarda, jumladan Hindiston, Malayziya, Pokiston, Eronda ham Ramazonning 10 iyuldan boshlanishi ehtimoli bor.

• Олдинги
• Кейинги