Менделеев олимпиадасида Ўзбекистон ёшлари биринчи бўлишди

Рукн: Янгиликлар Чоп этилган: 02.05.2013

Кимё фани бўйича мактаб ўқувчилари орасида ўтказиб келинадиган Менделеев олимпиадаси биринчи марта Тошкент шаҳрида ўтказилди. Олимпиадада Озарбайжон, Беларус, Болгария, Венгрия, Қозоғистон, Қирғизистон, Литва, Македония, Молдова, Россия, Руминия, Саудия Арабистони, Тожикистон, Туркманистон, Туркия, Украина ва Ўзбекистондан жами 17 жамоа иштирок этди.

Ёш кимёгарларнинг бир ҳафталик мусобақасида юртимиз жамоаси вакиллари 2 олтин, 5 кумуш ва 8 бронза медал билан умумжамоа ҳисобида биринчи ўринни эгалладилар. Бундан ташқари Россия, Беларус ва Украинадан ташриф буюрган ўқувчиларнинг кўрсаткичлари ҳам юқори бўлган.

Ғолибларни тақдирлаш маросими М.Ломоносов номидаги Москва давлат университетининг Тошкент филиалида бўлиб ўтди. Эслатиб ўтамиз, интеллектуал марафон ғолиблари олий ўқув юртларига имтиёзли қабул қилинадилар.

* * *

Kimyo fani bo‘yicha maktab o‘quvchilari orasida o‘tkazib kelinadigan Mendeleyev olimpiadasi birinchi marta Toshkent shahrida o‘tkazildi. Olimpiadada Ozarbayjon, Belarus, Bolgariya, Vengriya, Qozog‘iston, Qirg‘iziston, Litva, Makedoniya, Moldova, Rossiya, Ruminiya, Saudiya Arabistoni, Tojikiston, Turkmaniston, Turkiya, Ukraina va O’zbekistondan jami 17 jamoa ishtirok etdi.

Yosh kimyogarlarning bir haftalik musobaqasida yurtimiz jamoasi vakillari 2 oltin, 5 kumush va 8 bronza medal bilan umumjamoa hisobida birinchi o‘rinni egalladilar. Bundan tashqari Rossiya, Belarus va Ukrainadan tashrif buyurgan o‘quvchilarning ko‘rsatkichlari ham yuqori bo‘lgan.

G’oliblarni taqdirlash marosimi M.Lomonosov nomidagi Moskva davlat universitetining Toshkent filialida bo‘lib o‘tdi. Eslatib o‘tamiz, intellektual marafon g‘oliblari oliy o‘quv yurtlariga imtiyozli qabul qilinadilar.