Тележурналист “Facebook”даги фикрлари учун ишдан бўшатилган

Белгиянинг машҳур тележурналисти Facebook саҳифаларида ўзининг мусилмонлар ҳақидаги ўринсиз мулоҳазалари учун ишдан бўшатилган.

Белгиянинг RTL-TVI телеканалида, қарийб 20 йилдан буён хизмат қилиб келаётган Люка Трюллеман “Facebook”даги шахсий саҳифасида Белгиядаги мусулмонлар ҳақида ёзаркан ирқчиликка ва мусулмонлар устидан ҳақоратомуз танқидга йўл қўяди. У мусулмонларга Белгия халқининг қадрият ва анъаналари, тарихи изидан боришни, акс ҳолда ўзларининг эскича ҳаётига, юртига қайтиб, ўз қонунлари билан кун кечиришни таклиф қилган.

Журналистнинг бу фикрлари тез орада ижтимоий ва оммавий сайтлар бўйлаб тарқаб кетди. RTL-TVI телеканали раҳбарияти эса ходимининг бу тарздаги чиқиши унинг шахсий фикри эканлигини таъкидлаб, уни ишдан четлатган.

* * *

Belgiyaning mashhur telejurnalisti Facebook sahifalarida o‘zining musilmonlar haqidagi o‘rinsiz mulohazalari uchun ishdan bo‘shatilgan.   

Belgiyaning RTL-TVI telekanalida, qariyb 20 yildan buyon xizmat qilib kelayotgan Lyuka Tryulleman “Facebook”dagi shaxsiy sahifasida Belgiyadagi musulmonlar haqida yozarkan irqchilikka va musulmonlar ustidan haqoratomuz tanqidga yo‘l qo‘yadi. U musulmonlarga Belgiya xalqining qadriyat va an’analari, tarixi izidan borishni, aks holda o‘zlarining eskicha hayotiga, yurtiga qaytib, o‘z qonunlari bilan kun kechirishni taklif qilgan.

Jurnalistning bu fikrlari tez orada ijtimoiy va ommaviy saytlar bo‘ylab tarqab ketdi. RTL-TVI telekanali rahbariyati esa xodimining bu tarzdagi chiqishi uning shaxsiy fikri ekanligini ta’kidlab, uni ishdan chetlatgan.

• Олдинги
• Кейинги