Самарқандлик хаттот Қуръони каримнинг улкан қўлёзма нусхасини тақдим этди

Рукн: Янгиликлар Чоп этилган: 18.12.2012

Самарқандлик моҳир хаттот Шавкат Истамов беш йил давомида Қуръони Каримнинг катта қўлёзма нусхасини яратди, дея хабар беради “ХХИ аср” газетаси. “Гиннеснинг Рекордлар китоби”дан жой эгаллаши мумкин бўлган ушбу улкан китобнинг бўйи – 1,5 метр, эни – 86 см, қалинлиги –10 см.

311 варақ, 622 саҳифадан иборат, оғирлиги 100 кг.ни ташкил этувчи ушбу муқаддас китоб хаттотнинг биринчи иши эмас. У бундан ўн йил илгари бўйи 1 метрга яқин, оғирлиги эса 40 кг. келадиган Қуръони Каримнинг қўлёзма нусхасини яратган эди. Айни кунларда хаттот муқаддас китобнинг ички ва ташқи безаклари устида ишламоқда.

* * *

Samarqandlik mohir xattot Shavkat Istamov besh yil davomida Qur’oni Karimning katta qo‘lyozma nusxasini yaratdi, deya xabar beradi “XXI asr” gazetasi. “Ginnesning Rekordlar kitobi”dan joy egallashi mumkin bo‘lgan ushbu ulkan kitobning bo‘yi – 1,5 metr, eni – 86 sm, qalinligi –10 sm.

311 varaq, 622 sahifadan iborat, og‘irligi 100 kg.ni tashkil etuvchi ushbu muqaddas kitob xattotning birinchi ishi emas. U bundan o‘n yil ilgari bo‘yi 1 metrga yaqin, og‘irligi esa 40 kg. keladigan Qur’oni Karimning qo‘lyozma nusxasini yaratgan edi.  Ayni kunlarda xattot muqaddas kitobning ichki va tashqi bezaklari ustida ishlamoqda.