19 август - Рамазон ҳайити куни. 20 август - дам олиш куни

Рукн: Янгиликлар Чоп этилган: 17.08.2012

Ўзбекистон Республикаси Президентининг "Рамазон ҳайитини нишонлаш тўғрисида" 16 августдсаги Қарорига мувофиқ, Ўзбекистон мусулмонлари идораси Уламолар кенгашининг ҳайъати 2012-йилда Рамазон ҳайитининг биринчи куни 19 август якшанба кунига тўғри келиши ҳақида қарор қабул қилганини инобатга олиниб, Ҳайит айёмини кенг нишонлаш мақсадида 2012-йил 20 август куни дам олиш куни сифатида белгиланди ва 19 август байрам кунига қўшилди.

Муборак Рамазон ҳайитининг халқимиз маънавий ҳаётидаги ўрни ва аҳамиятини эътиборга олиб, миллий-диний қадриятларимизни сақлаш ва улуғлаш мақсадида Республика “Нуроний”, “Маҳалла” жамғармалари, “Камолот” ёшлар ижтимоий ҳаракати, бошқа барча мутасадди идора ва жамоат ташкилотлари Рамазон ҳайитининг жойларда тартибли, юқори даражада ҳамда халқимизнинг миллий қадриятларига мос равишда ўтиши бўйича тегишли тадбирларни амалга ошириши та‘кидланди.

Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилди.

Рамазон ҳайитингиз муборак, азиз юртдошлар!

* * *

O‘zbekiston Respublikasi Prezidentining "Ramazon hayitini nishonlash to‘g‘risida" 16 avgustdsagi Qaroriga muvofiq, O‘zbekiston musulmonlari idorasi Ulamolar kengashining hay’ati 2012-yilda Ramazon hayitining birinchi kuni 19 avgust yakshanba kuniga to‘g‘ri kelishi haqida qaror qabul qilganini inobatga olinib, Hayit ayyomini keng nishonlash maqsadida 2012-yil 20 avgust kuni dam olish kuni sifatida belgilandi va 19 avgust bayram kuniga qo‘shildi.

Muborak Ramazon hayitining xalqimiz ma’naviy hayotidagi o‘rni va ahamiyatini e’tiborga olib, milliy-diniy qadriyatlarimizni saqlash va ulug‘lash maqsadida Respublika “Nuroniy”, “Mahalla” jamg‘armalari, “Kamolot” yoshlar ijtimoiy harakati, boshqa barcha mutasaddi idora va jamoat tashkilotlari Ramazon hayitining joylarda tartibli, yuqori darajada hamda xalqimizning milliy qadriyatlariga mos ravishda o‘tishi bo‘yicha tegishli tadbirlarni amalga oshirishi ta‘kidlandi.

O‘zbekiston Milliy teleradiokompaniyasi, O‘zbekiston Milliy axborot agentligi va boshqa ommaviy axborot vositalariga Ramazon hayitini nishonlash bilan bog‘liq tadbirlarni keng yoritish tavsiya etildi.

Ramazon hayitingiz muborak, aziz yurtdoshlar!