“Ислом ота” жомеъ масжиди фойдаланишга топширилди

Тошкент шаҳри Яшнобод туманида жойлашган «Ислом ота» жомеъ масжидининг (аввалги “Жўрабек” жомеъ масжиди) янгидан барпо этилган биносида илк жума намози адо этилди.

Масжид биноси ўтган йили ёнғиндан сўнг тамоман яроқсиз ҳолга келган, масжид мутасаддилари ва маҳалла фаолларининг таклифига биноан, Тошкент шаҳар ҳокимлиги тарафидан масжидни янгидан қуришга рухсат берилган эди.

Масжид замонавий усулда қурилган бўлиб, қадимий Шарқ меъморчилик мактаби анъаналарини ҳам ўзида акс эттирган. Масжид мажмуасига хонақоҳ, ёзги очиқ айвон, таҳоратхона, кутубхона, имом ва ноиблар хонасидан иборат.

Масжидни тиклаш ишлари ўтган йилнинг сўнгида бошланиб 9 ой давом этди. Бугун жомеъ масжидининг умумий майдони қарийб икки баробар ошган бўлиб, 2900 квадрат метрдан 5400 квадрат метргача катталашди. Энди масжидда 560 киши намоз амалларини адо этиши мумкин. 

Масжиднинг асосий биноси баландлиги 22,1 метрни ташкил этувчи гумбаз, 36,65 метрлик катта минора ва ҳар бирининг баландлиги 10,82 метр бўлган тўртта кичик миноралардан иборат.

Toshkent shahri Yashnobod tumanida joylashgan «Islom ota» jome’ masjidining (avvalgi “Jo‘rabek” jome’ masjidi) yangidan barpo etilgan binosida ilk juma namozi ado etildi.

Masjid binosi o‘tgan yili yong‘indan so‘ng tamoman yaroqsiz holga kelgan, masjid mutasaddilari va mahalla faollarining taklifiga binoan, Toshkent shahar hokimligi tarafidan masjidni yangidan qurishga ruxsat berilgan edi.

Masjid zamonaviy usulda qurilgan bo‘lib, qadimiy Sharq me’morchilik maktabi an’analarini ham o‘zida aks ettirgan. Masjid majmuasiga xonaqoh, yozgi ochiq ayvon, tahoratxona, kutubxona, imom va noiblar xonasidan iborat.

Masjidni tiklash ishlari o‘tgan yilning so‘ngida boshlanib 9 oy davom etdi. Bugun jome’ masjidining umumiy maydoni qariyb ikki barobar oshgan bo‘lib, 2900 kvadrat metrdan 5400 kvadrat metrgacha kattalashdi. Endi masjidda 560 kishi namoz amallarini ado etishi mumkin. 

Masjidning asosiy binosi balandligi 22,1 metrni tashkil etuvchi gumbaz, 36,65 metrlik katta minora va har birining balandligi 10,82 metr bo‘lgan to‘rtta kichik minoralardan iborat.

• Олдинги
• Кейинги