Ўзбекистон мусулмонлари идораси танлов эълон қилади

Рукн: Янгиликлар Чоп этилган: 15.06.2016

Ўзбекистон мусулмонлари идораси ойларнинг султони Рамазони шарифга бағишланган “Энг яхши мақола” ва “Энг намунали видеолавҳа” анъанавий танловини эълон қилади! Танловда диний соҳа ходимлари давримизнинг энг муҳим мавзуларида 2016 йилнинг Рамазон ойи давомида “muslim.uz” интернет порталида чоп этилган материаллари билан иштирок этишлари мумкин.

Танлов якунлари бўйича ғолиблар қимматбаҳо совғалар билан тақдирланади.

Эслатиб ўтамиз, 2015 йилда бўлиб ўтган танловнинг “Энг яхши видеолавҳа” йўналишида Тошкентдаги “Хўжа Аламбардор”, “Тўхтабой”, Самарқанддаги “Арабхона”, Андижондаги “Хонақо”, Фарғонадаги “Муборак” жоме масжидлари ғолибликни қўлга киритишган эди. Шунингдек, “Энг яхши мақола” йўналиши бўйича “Мовароуннаҳр” нашриёти муҳаррири Муҳаммадшариф Жуманов, Тошкент ислом институти ўқитувчиси Абдулазим Зиёвуддинов, Самарқанддаги “Имом Бухорий” жоме масжиди имом-хатиби Зайниддин Эшонқулов, Тошкентдаги “Гўзал” жоме масжиди имом-хатиби Салоҳиддин Тошанов ва Қорақалпоғистон Республикасидан Ёқуб Жумамуратов совринли ўринларни эгаллаган эди. Ғолиблар ноутбук компьютери, телевизор ва телефон аппарати каби совғалар билан тақдирланган эди.

Мақолаларни Этот адрес электронной почты защищен от спам-ботов. У вас должен быть включен JavaScript для просмотра. почта манзилига юборишингиз мумкин.

* * *

O‘zbekiston musulmonlari idorasi oylarning sultoni Ramazoni sharifga bag‘ishlangan “Eng yaxshi maqola” va “Eng namunali videolavha” an’anaviy tanlovini e’lon qiladi! Tanlovda diniy soha xodimlari davrimizning eng muhim mavzularida 2016 yilning Ramazon oyi davomida “muslim.uz” internet portalida chop etilgan materiallari bilan ishtirok etishlari mumkin.

Tanlov yakunlari bo‘yicha g‘oliblar qimmatbaho sovg‘alar bilan taqdirlanadi.

Eslatib o‘tamiz, 2015 yilda bo‘lib o‘tgan tanlovning “Eng yaxshi videolavha” yo‘nalishida Toshkentdagi “Xo‘ja Alambardor”, “To‘xtaboy”, Samarqanddagi “Arabxona”, Andijondagi “Xonaqo”, Farg‘onadagi “Muborak” jome masjidlari g‘oliblikni qo‘lga kiritishgan edi. Shuningdek, “Eng yaxshi maqola” yo‘nalishi bo‘yicha “Movarounnahr” nashriyoti muharriri Muhammadsharif Jumanov, Toshkent islom instituti o‘qituvchisi Abdulazim Ziyovuddinov, Samarqanddagi “Imom Buxoriy” jome masjidi imom-xatibi Zayniddin Eshonqulov, Toshkentdagi “Go‘zal” jome masjidi imom-xatibi Salohiddin Toshanov va Qoraqalpog‘iston Respublikasidan Yoqub Jumamuratov sovrinli o‘rinlarni egallagan edi. G‘oliblar noutbuk kompyuteri, televizor va telefon apparati kabi sovg‘alar bilan taqdirlangan edi.

Maqolalarni Этот адрес электронной почты защищен от спам-ботов. У вас должен быть включен JavaScript для просмотра. pochta manziliga yuborishingiz mumkin.