Нақдга арзонроқ, пластикка қимматроқ савдо қилса бўладими?

Савол: Пластик картага савдо қилаётганлар қўшимча 10% дан 20% гача ҳақ олишмоқда. Сабаби, банк топширилган пулни бермаяпти. Хорижий валюта ошиб кетса, банкдаги пул қадрсизланяпти. Пул ўтказилса 10% дан 20% гача қўшимча пул бериляпти. Шу ишлар ҳалолми?

Жавоб: Агар маълум нархга савдо ақдини тузиб, сўнг пул тўлаш пластик карта орқали амалга оширилиши сабабли ўн ёки йигирма фоиз ортиқча пул ечиб олса, бу нотўғридир. Лекин аввалдан нақд пулга бошқа нарх, пул ўтказиш йўли билан бошқа нарх айтилса, сўнг шулардан бирига ақд қилинса, бунинг зарари йўқдир. Валлоҳу аълам.

Савол: Пластик карточкалардаги пулларни маълум бир фоиз эвазига нақдлаштириш мумкинми?

Жавоб: Агар пластик карточкадаги пул бирлиги сўм бўлса, худди шу пул бирлигига алмаштирмоқчи бўлса, айнан шу миқдордаги пулни бериш шартдир. Ортиқ ёки камроқ бериш рибо ҳисобланади. Лекин бирор нарса сотиб олса ёки бошқа пул бирлигига алмаштирмоқчи бўлса, нархини келишиб олаверади. Валлоҳу аълам.

Савол: Менинг банкда ҳисобим бор. Бир танишим бир жойга 1 миллион кўчириб бер, сенга 900 минг нақд пул бераман деяgди. Шундай қилсам судхўрликка кирмайдими?

Жавоб: Сиз айтган ҳолатда айнан судхўрлик бўлади.

Савол: Банкдан кредит олиб иш бошламоқчиман. Шунга маслаҳат берсангиз.

Жавоб: Агар имкониятингиз бўлса, янги бошлайдиган ишингизни қарз олмасдан ўз сармоянгиз билан бошлаганингиз маъқул.

Ўзбекистон Мусулмонлари идораси Фатво ҳайъати

* * *

Savol: Plastik kartaga savdo qilayotganlar qo‘shimcha 10% dan 20% gacha haq olishmoqda. Sababi, bank topshirilgan pulni bermayapti. Xorijiy valyuta oshib ketsa, bankdagi pul qadrsizlanyapti. Pul o‘tkazilsa 10% dan 20% gacha qo‘shimcha pul berilyapti. Shu ishlar halolmi?

Javob: Agar ma’lum narxga savdo aqdini tuzib, so‘ng pul to‘lash plastik karta orqali amalga oshirilishi sababli o‘n yoki yigirma foiz ortiqcha pul yechib olsa, bu noto‘g‘ridir. Lekin avvaldan naqd pulga boshqa narx, pul o‘tkazish yo‘li bilan boshqa narx aytilsa, so‘ng shulardan biriga aqd qilinsa, buning zarari yo‘qdir. Vallohu a’lam.

Savol: Plastik kartochkalardagi pullarni ma’lum bir foiz evaziga naqdlashtirish mumkinmi?

Javob: Agar plastik kartochkadagi pul biriligi so‘m bo‘lsa, xuddi shu pul birligiga almashtirmoqchi bo‘lsa, aynan shu miqdordagi pulni berish shartdir. Ortiq yoki kamroq berish ribo hisoblanadi. Lekin biror narsa sotib olsa yoki boshqa pul birligiga almashtirmoqchi bo‘lsa, narxini kelishib olaveradi. Vallohu a’lam.

Savol: Mening bankda hisobim bor. Bir tanishim bir joyga 1 million ko‘chirib ber, senga 900 ming naqd pul beraman deyabdi. Shunday qilsam sudxo‘rlikka kirmaydimi?

Javob: Siz aytgan holatda aynan sudxo‘rlik bo‘ladi.

Savol: Bankdan kredit olib ish boshlamoqchiman. Shunga maslahat bersangiz.

Javob: Agar imkoniyatingiz bo‘lsa, yangi boshlaydigan ishingizni qarz olmasdan o‘z sarmoyangiz bilan boshlaganingiz ma’qul.

O‘zbekiston Musulmonlari idorasi Fatvo hay’ati

• Олдинги
• Кейинги