Coca-cola ичимлиги ҳаромми?

Рукн: Савол беринг Чоп этилган: 10.06.2016

Савол: Coca-cola ичимлиги ҳақида жуда кўп баҳслар бўлади. Баъзилар бу ичимлик таркибида спирт бор деса, баъзилар қандайдир қўнғизнинг ахлатидан олинган моддадан тайёрланар экан дейди. Баъзи давлатлар бу ичимликка бойкот ҳам берган экан. Саволим шундан иборат: Coca-cola ичимлиги ҳалолми? Уни ичса гуноҳкор бўлмайдими? (Қобил)

Жавоб: «Кока-кола» ичимлиги тўғрисида охирги пайтда гаплар кўпайди. Лекин маълум ва машҳур нарса шуки «Кока-кола», “Пепси-кола” каби дунёдаги ҳозир кенг тарқалган ичимликларни қилиб тайёрлайдиган кукунларини нимадан олиши ғоятда катта сир тутилади, уни ҳеч ким билмайди. Лекин кўп жойларда деярли ҳамма жойларда «Кока-кола», “Пепси-кола”лар ичилади, сотилади. Мусулмон ўлкаларида бу нарса доимий равишда кўзга кўриниб турадиган нарса. Шубҳа қилаётганлар аниқ бир ҳужжатга, далилга эга эмас. Баъзи-бир газеталарда, бошқа жойларда ҳар хил гаплар тарқатилди, ёзилди лекин уни уламолар кўпчилик мусулмонлар жиддий бир эътиборга олганлари йўқ. Ана шунинг учун бу ичимли ҳозир ҳам бор, ичилиб турибди. Бир нарса нотўғри эканлиги, харом эканлиги хужжат далил билан собит бўлмагунча демак уни тўғрисида қатъий бир гап айтиш қийин бўлади. Ўта шубҳа қилаётганлар ёки ўз шахсларида билиб, тушуниб етган бўлсалар ўзларини тийсинлар, ичмасинлар ҳақлари бор, буни ҳеч ким тўса олмайди (Шайх Муҳаммад Содиқ Муҳаммад Юсуф).

* * *

Savol: Coca-cola ichimligi haqida juda ko‘p bahslar bo‘ladi. Ba’zilar bu ichimlik tarkibida spirt bor desa, ba’zilar qandaydir qo‘ng‘izning axlatidan olingan moddadan tayyorlanar ekan deydi. Ba’zi davlatlar bu ichimlikka boykot ham bergan ekan. Savolim shundan iborat: Coca-cola ichimligi halolmi? Uni ichsa gunohkor bo‘lmaydimi? (Qobil)

Javob: «Koka-kola» ichimligi to‘g‘risida oxirgi paytda gaplar ko‘paydi. Lekin ma’lum va mashhur narsa shuki «Koka-kola», “Pepsi-kola” kabi dunyodagi hozir keng tarqalgan ichimliklarni qilib tayyorlaydigan kukunlarini nimadan olishi g‘oyatda katta sir tutiladi, uni hech kim bilmaydi. Lekin ko‘p joylarda deyarli hamma joylarda «Koka-kola», “Pepsi-kola”lar ichiladi, sotiladi. Musulmon o‘lkalarida bu narsa doimiy ravishda ko‘zga ko‘rinib turadigan narsa. Shubha qilayotganlar aniq bir hujjatga, dalilga ega emas. Ba’zi-bir gazetalarda, boshqa joylarda har xil gaplar tarqatildi, yozildi lekin uni ulamolar ko‘pchilik musulmonlar jiddiy bir e’tiborga olganlari yo‘q. Ana shuning uchun bu ichimli hozir ham bor, ichilib turibdi. Bir narsa noto‘g‘ri ekanligi, xarom ekanligi xujjat dalil bilan sobit bo‘lmaguncha demak uni to‘g‘risida qat’iy bir gap aytish qiyin bo‘ladi. O‘ta shubha qilayotganlar yoki o‘z shaxslarida bilib, tushunib yetgan bo‘lsalar o‘zlarini tiysinlar, ichmasinlar haqlari bor, buni hech kim to‘sa olmaydi (Shayx Muhammad Sodiq Muhammad Yusuf).