Фаҳмловчи қалб керак

Абдуллоҳ Пайғамбаримизнинг амакилари Аббоснинг ўғли. У Расуллулоҳнинг сўзларини эшитиб, амалларини кўриб, улғайди. Аббос туғилганида у зот : “Уни динда фақиҳ қилгин”, деб дуо қилдилар. Абдуллоҳ улғайгач унга: “Ҳар қандай ҳолатда Аллоҳни ёдингда тут, у ҳам сени ҳифзу ҳимоясига олади, Сенга яқин бўлади”, дер эдилар.

Расулуллоҳ вафот этган йили Ибн Аббос ўн уч ёшда эди. У илмни севувчи, Қуръон ва суннатга оғишмай амал қилувчи эди. Оғир дамларда Пайғамбаримиз билан бирга бўлди, у зот дунёдан ўтганидан кейин ҳам саҳобалардан илм ўрганди.

Саҳобаларнинг кўпи вафот этгач, Ибн Аббос етакчи фақиҳлардан бири бўлиб қолди. Ундан: “Эй Ибн Аббос, бу илмга қандай етишдинг?” деб сўрашганида: “Сўровчи тил ва фаҳмловчи қалб билан”, деб жавоб қилди.

Юлдуз Асқар қизи тайёрлади.

“Ҳидоят” журналининг 2012 йил, 10-сонидан олинди.

* * *

Abdulloh Payg‘ambarimizning amakilari Abbosning o‘g‘li. U Rasullulohning so‘zlarini eshitib, amallarini ko‘rib, ulg‘aydi. Abbos tug‘ilganida u zot : “Uni dinda faqih qilgin”, deb duo qildilar. Abdulloh ulg‘aygach unga: “Har qanday holatda Allohni yodingda tut, u ham seni hifzu himoyasiga oladi, Senga yaqin bo‘ladi”, der edilar.

Rasululloh vafot etgan yili Ibn Abbos o‘n uch yoshda edi. U ilmni sevuvchi, Qur’on va sunnatga og‘ishmay amal qiluvchi edi. Og‘ir damlarda Payg‘ambarimiz bilan birga bo‘ldi, u zot dunyodan o‘tganidan keyin ham sahobalardan ilm o‘rgandi.

Sahobalarning ko‘pi vafot etgach, Ibn Abbos yetakchi faqihlardan biri bo‘lib qoldi. Undan: “Ey Ibn Abbos, bu ilmga qanday yetishding?” deb so‘rashganida: “So‘rovchi til va fahmlovchi qalb bilan”, deb javob qildi.

Yulduz Asqar qizi tayyorladi.

“Hidoyat”jurnalining 2012 yil, 10-sonidan olindi.

• Олдинги
• Кейинги